ଭୁବନେଶ୍ୱର, ୨୩।୩(କ୍ରୀଡ଼ା ପ୍ରତିନିଧି)-
ଜାମସେଦପୁରରେ ଶେଷ ହୋଇଥିବା ୩୮ତମ ମହିଳା ଓ ୪୬ତମ ପୁରୁଷ ଜାତୀୟ ସିନିୟର ଶକ୍ତିଉତ୍ତୋଳନ ପ୍ରତିଯୋଗିତାରେ ଓଡ଼ିଶା ପ୍ରତିଯୋଗୀମାନେ ୩୨ଟି ପଦକ ହାସଲ କରିଛନ୍ତି। ଏହା ମଧ୍ୟରେ ୧୩ ସ୍ବର୍ଣ୍ଣ, ୯ ରୌପ୍ୟ ଓ ୧୦ ବ୍ରୋଞ୍ଜ ପଦକ ସାମିଲ। ଓଡ଼ିଶାରୁ ମୋଟ ୫୧ ପ୍ରତିଯୋଗୀ ଅଂଶଗ୍ରହଣ କରିଥିଲେ। ୫୨ କେଜି ମହିଳ କାଟେଗୋରିରେ ପ୍ରିୟମ୍ବଦା ପରିଡ଼ା ସ୍କ୍ବାଟ୍ରେ ୮୫, ବେଞ୍ଚ୍ ପ୍ରେସ୍ରେ ୪୭.୫ ଓ ଡେଡ୍ଲିଫ୍ଟରେ ୧୧୫ ଏହିପରି ମୋଟ ୨୪୭.୫ କେଜି ଶକ୍ତିଉତ୍ତୋଳନ କରି ସ୍ବର୍ଣ୍ଣ ପଦକ ହାସଲ କରିଛନ୍ତି। ଏଥିସହ ସେ ଷ୍ଟଙ୍ଗ ଓମ୍ୟାନ ରନର୍ସଅପ୍ ଟାଇଟଲ ମଧ୍ୟ ହାସଲ କରିଛନ୍ତି। ଉଭୟ ମହିଳା ଓ ପୁରୁଷ କାଟେଗୋରିରେ ଓଡ଼ିଶା ଦଳ ଓଭରଅଲ୍ ପ୍ରଥମ ରନର୍ସଅପ୍ ଟାଇଟଲ ପାଇଛି।