ଫ୍ଲୋରିଡାସ୍ଥ ଓ୍ବାଲ୍ଟ ଡିଜନୀ ଓ୍ବାର୍ଲଡ ରିସର୍ଟର ଏକ୍ସପେରିମେଣ୍ଟାଲ ଗ୍ରୀନ୍ ହାଉସ୍ରେ ଅଛି ଏକ ବିରାଟକାୟ ଟମାଟୋ ଗଛ। ଏହା ଏକ ବରଗଛ ପରି ଦେଖିବାକୁ। ହେଲେ ଏଥିରେ ଖୁନ୍ଦି ହୋଇ ଲାଲ୍ ଲାଲ୍ ଟମାଟୋ ଫଳିଥାଏ। ଏଥିରେ ଏତେ ଟମାଟୋ ହୁଏ ଯେ, ଗିନିଜ୍ ଓ୍ବାର୍ଲଡ ରେକର୍ଡସରେ ଗୋଟିଏ ଗଛରେ ସବୁଠାରୁ ଅଧିକ ଟମାଟୋ ଫଳିବାର ରେକର୍ଡ ଏହାର ନାମରେ ରହିଛି। ଗୋଟିଏ ବର୍ଷରେ ଏଥିରେ ସର୍ବାଧିକ ୩୨,୧୯୪ଟି ଟମାଟୋ ହୋଇ ଉକ୍ତ ରେକର୍ଡ ହାସଲ ହୋଇଥିଲା। ଏହି ଟମାଟୋର ସର୍ବମୋଟ ଓଜନ ୫୨୨ କି.ଗ୍ରା. ଥିଲା। ଉକ୍ତ ଟମାଟୋ ଗଛଟି ଭଲରେ ବଢ଼ିବା ଲାଗି ଏକ ସ୍ବତନ୍ତ୍ର ଗ୍ରୀନ୍ ହାଉସ୍ ତିଆରି କରାଯାଇଥିଲା। ଏହି ଗଛ ତା’ର ବିରାଟ ଆକାରରେ ପହଞ୍ଚତ୍ବା ଲାଗି ୧.୨-୧.୫ ବର୍ଷ ସମୟ ଲାଗିଥାଏ। ୭-୮ ମାସ ପର୍ଯ୍ୟନ୍ତ ଏଥିରେ ଟମାଟୋ ଫଳି ନ ଥାଏ। ପ୍ରାପ୍ତ ବୟସରେ ପହଞ୍ଚତ୍ଲେ ଯାଇ ସେଥିରେ ଫଳ ଧରେ। ବହୁ ପର୍ଯ୍ୟଟକ ଏହି ଟମାଟୋ ଗଛକୁ ଦେଖିବାକୁ ଆସନ୍ତି।