ଭୁବନେଶ୍ୱର,୧୬।୩(ବ୍ୟୁରୋ): ନକଲି ଡାକ୍ତର ରମେଶ ସ୍ବାଇଁଙ୍କ ବୁଧବାର ପଲିଗ୍ରାଫ ଟେଷ୍ଟ ହେବ । ପୋଲିସ ବିଭିନ୍ନ ଦିଗକୁ ନେଇ ସ୍ବତନ୍ତ୍ର ପ୍ରଶ୍ନ ତିଆରି କରିଛି । ସେ କିଭଳି ଠକେଇ କରୁଥିଲେ? ଏ ନେଇ ପରିବାର ଛଡ଼ା ଆଉ କେଉଁମାନେ ତାଙ୍କର ସହଯୋଗୀ ଥିଲେ ? ତାଙ୍କ ପ୍ରେମ ଜାଲରେ ୧୮ ସ୍ତ୍ରୀ କିଭଳି ପଡିଥିଲେ? ଏସବୁ ଦିଗକୁ ନେଇ ମହିଳା ଥାନା ପୋଲିସ ପ୍ରଶ୍ନ କରିବ।
ଅନ୍ୟପଟେ ମଙ୍ଗଳବାର ସ୍ବାଇଁଙ୍କ ପ୍ରଥମ ସ୍ତ୍ରୀଙ୍କୁ ପିଙ୍କ ଟିମ ମାରାଥନ ଜେରା କରିଛି । ୧୯୮୨ରେ ରମେଶ ପ୍ରଥମେ ଶାନ୍ତିଲତା ସ୍ବାଇଁଙ୍କୁ ବିବାହ କରିଥିଲେ। ତାଙ୍କର ଦୁଇ ପୁଅ ଓ ଗୋଟିଏ ଝିଅ ଅଛନ୍ତିି । ୩ ଜଣ ରାଜ୍ୟ ବାହାରେ ଡାକ୍ତର ଅଛନ୍ତି। ରମେଶର ଠକେଇ ଟଙ୍କାରେ ତିନି ଜଣ ପାଠ ପଢିଥିବା ପୋଲିସ ଜାଣିବାକୁ ପାଇଛି। ସାମୀଙ୍କ ବାବଦରେ ପୋଲିସ ଯାହା ଚାହିଁବ ସେଦିଗରେ ସହଯୋଗ କରିବେ ବୋଲି ପ୍ରଥମ ପତ୍ନୀ କହିଛନ୍ତି । ତେବେ ପ୍ରଥମ ସ୍ତ୍ରୀ ଙ୍କଠାରୁ ମିଳିଥିବା ତଥ୍ୟକୁ ନେଇତାଙ୍କୁ ପ୍ରଶ୍ନ କରାଯିବ । ଗିରଫକୁ ମାସେ ପୁରିଥିଲେ ମଧ୍ୟ ଠକେଇରେ ସାମିଲ ଥିବା ଦ୍ୱିତୀୟ ସ୍ତ୍ରୀ , ଭିଣୋଇ ଓ ଡ୍ରାଇଭର ଫେରାର ଥିବାରୁ ସେମାନଙ୍କୁ ଧରିବାରେ ବିଫଳ ପୋଲିସ ହୋଇଛି ।
