ନୂଆଦିଲ୍ଲୀ,୧୫।୭: ଜୁନ୍ ମାସରେ ପାଇକାରୀ ମୂଲ୍ୟଭିତ୍ତିକ ମୁଦ୍ରାସ୍ଫୀତି ୧.୮୧% ହ୍ରାସ ଘଟିଛି। ଶକ୍ତି ଏବଂ ଇନ୍ଧନ ଦର ଜୁନରେ କମିବା ଯୋଗୁ ଏଭଳି ସ୍ଥିତି ଉପୁଜିଛି। ଏହି ସମୟରେ ଖାଦ୍ୟ ସାମଗ୍ରୀ ଦର ଉଚ୍ଚରେ ରହିଛି। ମେ ମାସରେ ଅବସ୍ଫୀତି ଦେଖାଯିବା ଯୋଗୁ ଏହା ୩.୨୧% ସ୍ତରରେ ରହିଥିଲା। ଜୁନ୍ରେ ପାଇକାରୀ ମୂଲ୍ୟ ସୂଚୀ (ଡବ୍ଲ୍ୟୁପିଆଇ) -୧.୮୧% ରହିଥିବା ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରଣାଳୟ ପକ୍ଷରୁ ସୂଚନା ରହିଛି। ଏହା ଗତ ବର୍ଷ ସମାନ ସମୟରେ ୨.୦୨% ସ୍ତରରେ ରହିଥିଲା। ଜୁନରେ ଖାଦ୍ୟ ସାମଗ୍ରୀ ବର୍ଗରେ ମୁଦ୍ରାସ୍ଫୀତି ୨.୦୪% ସ୍ତରରେ ରହିଛି। ମେ ମାସରେ ଏହା ୧.୧୩% ସ୍ତରରେ ଥିଲା। ଇନ୍ଧନ ଏବଂ ଶକ୍ତି ବର୍ଗରେ ଅବସ୍ଫୀତି ଯଥାକ୍ରମେ ୧୩.୬୦% ରହିଛି। ଏହା ଗତ ମାସରେ ୧୯.୮୩% ରହିଥିଲା। ମାନୁଫାକଚରିଂ ସାମଗ୍ରୀ ଉପରେ ମୁଦ୍ରାସ୍ଫୀତି ୦.୦୮% ରହିଛି। ମେ ମାସରେ ଏହା ଅବସ୍ଫୀତି ସ୍ତର ୦.୪୨%ରେ ରହିଥିଲା। ଏପ୍ରିଲରେ ଡବ୍ଲ୍ୟୁପିଆଇ ୧.୫୭% ରହିଥିବା ମନ୍ତ୍ରଣାଳୟ ଡାଟାରୁ ସାମ୍ନାକୁ ଆସିଛି।
