କୁଜଙ୍ଗ,୧୯ା୮(ଡି.ଏନ.ଏ.): ମହାନଦୀରେ ବନ୍ୟା ଯୋଗୁ ଜଗତ୍ସିଂହପୁର ଜିଲା କୁଜଙ୍ଗ ବ୍ଲକ ଅନ୍ତର୍ଗତ ଧୋୟାଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଛି। ୪ ଦିନ ହେବ ଏହି ଅଞ୍ଚଳର ୩୪ ଗଁାର ଲୋକ ଜଳବନ୍ଦୀ ହୋଇ ରହିଛନ୍ତି। ଏଥିଯୋଗୁ ଏଠାରେ ବସବାସ କରୁଥିବା ପ୍ରାୟ ୧୫ ହଜାର ଲୋକ ହନ୍ତସନ୍ତ ହେଉଛନ୍ତି। ପ୍ରାୟ ୫,୫୦୦ ଗୋରୁ ଓ ୧୫୦୦ ଛେଳି, ମେଣ୍ଢା ଖାଦ୍ୟ ପାଉନାହାନ୍ତି। ଗୁରୁବାର ସନ୍ଧ୍ୟାରେ ଜିଲାପାଳ ପାରୁଲ ପଟୱାରୀ ବ୍ଲକ କାର୍ଯ୍ୟାଳୟରେ ପହଞ୍ଚତ୍ ବନ୍ୟା ସ୍ଥିତି ଓ ରିଲିଫ ବଣ୍ଟନ ଉପରେ ସମୀକ୍ଷା କରିଛନ୍ତି। ଏହା ପୂର୍ବରୁ ସେ ଓ ପାରାଦୀପ ବିଧାୟକ ସମ୍ବିତ ରାଉତରାୟ ସାଇଲୋ ପଞ୍ଚାୟତ ଗସ୍ତ କରି ବନ୍ୟାଞ୍ଚଳ ବୁଲି ଦେଖିଥିଲେ। ପରେ ଆୟୋଜିତ ସମୀକ୍ଷା ବୈଠକରେ
ତହସିଲଦାର ପ୍ରୀତିପର୍ଣ୍ଣା ମିଶ୍ର, ପାରାଦୀପ ବିଧାୟକ ସମ୍ବିତ ରାଉତରାୟ ଓ ବିଡିଓ ସୌମ୍ୟଶ୍ରୀ ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲେ। ବନ୍ୟା ଜଳର ପ୍ରଭାବ ଶୁକ୍ରବାର ସନ୍ଧ୍ୟା ପର୍ଯ୍ୟନ୍ତ ଜାରି ରହିବ ବୋଲି ଏବିଡିଓ ଜ୍ଞାନଦା ରାୟ କହିଛନ୍ତି। ବନ୍ୟା ବିପନ୍ନଙ୍କ ପାଇଁ ରିଲିଫ୍ ସାମଗ୍ରୀ ଯୋଗାଇ ଦେବାକୁ ବିଡିଓ ସୌମଶ୍ରୀ ପାଣିଗ୍ରାହୀ ପାରାଦୀପର ଇଫ୍କୋ ୟୁନିଟ୍ର ନିର୍ଦ୍ଦେଶକ କେ.ଜେ. ପଟେଲ ଓ ପିପିଏଲ୍ର ଜେନେରାଲ ମ୍ୟାନେଜର ଜଗନ୍ନାଥ ଖୁଣ୍ଟିିଆଙ୍କୁ ଅନୁରୋଧ କରିଥିଲେ। ଏହା ପରେ ଇଫ୍କୋ ପକ୍ଷରୁ ୧୫ କୁଇଣ୍ଟାଲ ଚୁଡ଼ା ଓ ଗୁଡ଼ ସହ ୩୦ ପେଟି ବିସ୍କୁଟ, ୫୦୦ ପ୍ୟାକେଟ କ୍ୟାଣ୍ଡେଲ ଓ ଦିଆସିଲି ପ୍ରଦାନ କରାଯାଇଛି। ସେହିପରି ପିପିଏଲ ପକ୍ଷରୁ ୧୫ କୁଇଣ୍ଟାଲ ଚୁଡା, ୩ କୁଇଣ୍ଟାଲ ଗୁଡ଼, ୩୦ପେଟି ବିସ୍କୁଟ ଯୋଗାଇ ଦିଆଯାଇଛି। ବ୍ଲକ ପ୍ରଶାସନ ପକ୍ଷରୁ ବନ୍ୟା ପ୍ରଭାବିତ ଅଞ୍ଚଳରେ ସେଗୁଡ଼ିକୁ ବଣ୍ଟନ କରାଯାଇଛି। ବୁଧବାର ପ୍ରଶାସନ ପକ୍ଷରୁ ୩୮ କୁଇଣ୍ଟାଲ ଗୋଖାଦ୍ୟ ବଣ୍ଟନ କରାଯାଇଥିବାବେଳେ ଗୁରୁବାର ଆଉ ୨୩ ଟନ ଗୋଖାଦ୍ୟ ଆସି ପହଞ୍ଚତ୍ଛି। କୁଜଙ୍ଗ ତହସିଲ ପକ୍ଷରୁ ଏ ପର୍ଯ୍ୟନ୍ତ ୨,୨୦୧ ଜରିପାଲ ବଣ୍ଟନ କରାଯାଇଥିବାବେଳେ ଆଉ ୨,୨୫୦ ଜରିପାଲ ଆସି ପହଞ୍ଚତ୍ଛି। ଓସ୍ଡମା ପକ୍ଷରୁ ୧୬ ଆସ୍କା ଲାଇଟ ଆସିଥିବା ବେଳେ ସେଥିରୁ ଅନେକ ଅଚଳ ଥିବା ଜଣାପଡିଛି। ଏ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଭାଜପା ନେତା ସମ୍ପଦ ସ୍ବାଇଁ କର୍ମୀମାନଙ୍କୁ ନେଇ ଉକ୍ତ ଅଞ୍ଚଳରେ ରନ୍ଧା ଖାଦ୍ୟ ଓ ଶୁଖିଲା ଖାଦ୍ୟ ବଣ୍ଟନ କରିଛନ୍ତି। ଅପରପକ୍ଷେ ସରପଞ୍ଚ ବନ୍ଦିତା ଦାସ ଓ ନିର୍ବାହୀ ଅଧିକାରୀ ଦୁଃଶାସନ ରାଉତ ଭଣ୍ଡୁଆ ଗଁାର ୬୦୦ ଲୋକଙ୍କୁ ରନ୍ଧା ଖାଦ୍ୟ ବଣ୍ଟନ କରିଛନ୍ତି।