କୋରାପୁଟ,୧୮ା୧(ସ୍ବ.ପ୍ର.): କୋରାପୁଟ ଜିଲାରେ ୩୫ ହଜାର କରୋନା ଟିକା ପହଞ୍ଚିଥିବା ବେଳେ ଗୁରୁବାରଠାରୁ ଟିକାକରଣ ଆରମ୍ଭ ହେବ ବୋଲି ବୁଧବାର ଜିଲା ମୁଖ୍ୟ ଚିକିତ୍ସାଧିକାରୀ ଡାକ୍ତର ଅରୁଣ କୁମାର ପାଢ଼ୀ ସୂଚନା ଦେଇଛନ୍ତି। ଆସନ୍ତାକାଲିଠାରୁ ଏହା ଜିଲାର ମୁଖ୍ୟ ଚିକିତ୍ସାଳୟ, ମେଡିକାଲ କଲେଜ ସମେତ ସମସ୍ତ ୧୪ଟି ବ୍ଲକରେ ଥିବା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ପ୍ରଦାନ କରାଯିବ। ଦୈନିକ ୫ ହଜାର ଟିକା ପ୍ରଦାନ କରାଯିବା ଲକ୍ଷ୍ୟ ରଖାଯାଇଛି। ଆସନ୍ତା ୫ ଦିନ ମଧ୍ୟରେ ଆସିଥିବା ୩୫ ହଜାର କରୋନା ଟିକା ଶେଷ କରାଯିବା ଲକ୍ଷ୍ୟ ରଖାଯାଇଛି। ଯେଉଁମାନେ ଦ୍ୱିତୀୟ ଡୋଜ କିମ୍ବା ବୁଷ୍ଟର ଡୋଜ ନେଇ ନାହାନ୍ତି ସେମାନେ ଗୁରୁବାର ଟିକା ନେଇ ପାରିବେ ବୋଲି ସିଡିଏମଓ ସୂଚନା ଦେଇଛନ୍ତି। ବ୍ଲକ ସଦରମହକୁମା, ସହିଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲରେ ଟିକାକରଣ କେନ୍ଦ୍ର କରାଯାଇଛି।
ସୂଚନା ଥାଉକି, କୋରାପୁଟ ଜିଲାରେ ୧୨ରୁ ୧୮ ବର୍ଷର ପିଲାମାନେ ୭୧ ପ୍ରତିଶତ ପ୍ରଥମ ଡୋଜ ଟିକା ନେଇଥିବାବେଳେ ୧୮ରୁ ୬୦ ବର୍ଷର ବ୍ୟକ୍ତିମାନେ ୮୫ ପ୍ରତିଶତ ପ୍ରଥମ ଡୋଜ୍ ଟିକା ନେଇଥିବା ଜଣାଯାଇଛି। ସେହିପରି ଜିଲାରେ ଦ୍ୱିତୀୟ ଡୋଜ ତଥା ବୁଷ୍ଟର ଡୋଜ ୧୮ରୁ ୬୦ ବର୍ଷର ବ୍ୟକ୍ତିମାନେ ଶତ ପ୍ରତିଶତ ନେଇଥିବା ବେଳେ ଜିଲାରେ ୧୨ରୁ ୧୮ ବର୍ଷ ପର୍ଯ୍ୟନ୍ତ ପିଲାମାନେ ପ୍ରାୟ ୯୮ ପ୍ରତିଶତ ଟିକା ନେଇଥିବା ଜଣାଯାଇଛି।
