ମା’ ପୁଅର ସମ୍ପର୍କ ସବୁଠାରୁ ନିଆରା। ପୁଅର ଭୁଲ ଠିକ୍ ବିଷୟରେ ମା’ ଉଚିତ୍ ଶିକ୍ଷା ଦେବା ସହ ତାଙ୍କୁ ସଠିକ୍ ରାସ୍ତା ଦେଖାଇଥାଏ। ମାତ୍ର ବେଳେବେଳେ ଏମିତି କିଛି ଖବର ସମ୍ମୁଖକୁ ଆସିଥାଏ ଯାହାକୁ ଶୁଣିବା ପରେ ସମ୍ପର୍କ ଉପରେ ପ୍ରଶ୍ନ ଉଠିଥାଏ। ଜଣେ ମା’ ଯାହାକୁ ଲାଳନପାଳନ କରି ବଡ଼ କରିଥିଲେ ଆଜି ସେ ତାଙ୍କ ସ୍ତ୍ରୀ ହୋଇଛନ୍ତି। ହେଲେ ଆଶ୍ଚର୍ଯ୍ୟର କଥା ହେଲା ବିବାହ ପୂର୍ବରୁ ସେ ନିଜ ପୁଅର ପିଲାର ମା’ ହେବାକୁ ଯାଉଛନ୍ତି। କଥାଟା ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ। ଏଭଳି ଘଟଣା ଘଟିଛି ରୁଷିଆରେ।
ମରୀନା ବାମଶେବ(୩୫)। ୧୩ ବର୍ଷ ପୂର୍ବେ ଆଲେକ୍ସି ଶବ୍ୟରୀନଙ୍କୁ ବିବାହ କରିଥିଲେ। ବିବାହ ପୂର୍ବରୁ ଆଲେକ୍ସିଙ୍କର ବ୍ଲାଦିମ ନାମକ ଏକ ୭ ବର୍ଷର ପୁଅ ଥିଲେ। ଏହା ପରେ ଦମ୍ପତ୍ତି ଆହୁରି ୫ ପିଲାଙ୍କୁ ପୋଷ୍ୟ ସନ୍ତାନ ଭାବେ ମଧ୍ୟ ଗ୍ରହଣ କରିଥିଲେ। ବ୍ଲାଦିମ ୨୦ ବର୍ଷର ହେବା ପରେ ମା’ ମରୀନାଙ୍କ ପ୍ରେମରେ ପଡ଼ିଥିଲେ। ଏଥିପାଇଁ ମରୀନା ନିଜ ସ୍ବାମୀ ଶବ୍ୟରୀନଙ୍କୁ ମଧ୍ୟ ଛାଡିଦେଇଥିଲେ। ଏହି ସମୟରେ ମରୀନାଙ୍କ ଓଜନ ବହୁତ ବଢ଼ିଯାଇଥିଲା। ତେଣୁ ସେ ଅନ୍ଲାଇନ୍ ମାଧ୍ୟମରେ ଓ୍ବେଟ୍ ଲସ୍ ଜର୍ଣ୍ଣି ପ୍ରକ୍ରିୟା ଆରମ୍ଭ କଲେ। ଏହାପରେ ସେ ଇନ୍ଷ୍ଟାଗ୍ରାମ୍ ଇନ୍ଫ୍ଲୁଏନ୍ସର ପାଲଟିଲେ। ତାଙ୍କ ପୋଷ୍ଟକୁ ଅନେକ ଫଲୋ କରିବା ଆରମ୍ଭ କଲେ। କିଛି ମାସ ପୂର୍ବେ ମରୀନା ଏବଂ ପୁଅ ବ୍ଲାଦିମ ସେମାନଙ୍କ ସମ୍ପର୍କ ବିଷୟରେ ସୋସିଆଲ ମିଡିଆରେ ଶେୟାର କଲେ। ଏଥିସହ ମରୀନା ମା’ ହେବାକୁ ଯାଉଥିବା ମଧ୍ୟ ପୁଅ ଶେୟାର କରିଛନ୍ତି। ପୁଅ ସହ ବିବାହ ସମୟର କିଛି ଫଟୋ ମଧ୍ୟ ମରୀନା ଶେୟାର କରିଛନ୍ତି। ଏହା ପରେ ଲୋକେ ତାଙ୍କୁ ସମାଲୋଚନା କରିବା ଆରମ୍ଭ କରିଥିଲେ। ମାତ୍ର ଏସବୁ ମରୀନାଙ୍କୁ କିଛି ଫରକ୍ ପକାଇଲା ନାହିଁ।