ଭୁବନେଶ୍ୱର, ୧୯।୧୨(ବ୍ୟୁରୋ): ରାଜ୍ୟରେ ଶନିବାର ପୁଣି ୩୫୬ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ୩ ଜଣ ଆଖି ବୁଜିଛନ୍ତି। ନୂଆ ପଜିଟିଭଙ୍କୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୩୨୫୮୬୧ରେ ପହଞ୍ଚିଛି। ଏ ନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି। ତେବେ ନୂଆ ୩୫୬ ଆକ୍ରାନ୍ତଙ୍କ ମଧ୍ୟରୁ ୧୯୯ କ୍ୱାରାଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା ବେଳେ ୧୫୭ ଲୋକାଲ କେସ୍ ରହିଛି।
ନୂଆ ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧା ଜିଲାରେ ସର୍ବାଧିକ ୪୧ ଜଣ ଚିହ୍ନଟ ହୋଇଛନ୍ତି। ସେହିପରି ଅନୁଗୋଳ ୨୯, ବାଲେଶ୍ୱରରେ ୨୬, ବରଗଡ଼ ୧୭, ଭଦ୍ରକରେ ୭, ବଲାଙ୍ଗୀରରେ ୧୦, କଟକରେ ୧୯, ଢେଙ୍କାନାଳରେ ଜଣେ, ଗଜପତିରେ ୨, ଗଞ୍ଜାମରେ ୪, ଜଗତ୍ସିଂହପୁରରେ ୧୩, ଯାଜପୁରରେ ୯, ଝାରସୁଗୁଡ଼ା ୬, କଳାହାଣ୍ଡିରେ ୭, କନ୍ଧମାଳରେ ଜଣେ, କେନ୍ଦ୍ରାପଡ଼ା ୯, କେନ୍ଦୁଝରରେ ୬, ମୟୂରଭଞ୍ଜରେ ୨୯, ନବରଙ୍ଗପୁରରେ ୩, ନୟାଗଡ଼ ୨, ନୂଆପଡ଼ା ୧୮, ପୁରୀରେ ୧୦, ରାୟଗଡ଼ା ୪, ସମ୍ବଲପୁରରେ ୨୫, ସୋନପୁରରେ ୧ ଓ ସୁନ୍ଦରଗଡ଼ରେ ୩୫ ଜଣ ଚିହ୍ନଟ ହୋଇଛନ୍ତି। ସେହିପରି ଷ୍ଟେଟ ପୁଲରୁ ୧୨ ଜଣ ଚିହ୍ନଟ ହୋଇଛନ୍ତି।
ସୂଚନାଯୋଗ୍ୟ, ବର୍ତ୍ତମାନ ସୁଦ୍ଧା ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୩,୨୫,୮୬୧ରେ ପହଞ୍ଚିଥିବା ବେଳେ ୩,୨୦,୯୪୭ ଜଣ ସୁସ୍ଥ ହୋଇସାରିଛନ୍ତି। ୩,୦୨୯ ଜଣ ଚିକିତ୍ସାଧୀନ ରହିଛନ୍ତି।
ସେହିପରି ୩ ମୃତକଙ୍କ ମଧ୍ୟରେ ଜଗତ୍ସିଂହପୁର, ପୁରୀ ଓ ନୂଆପଡ଼ାରୁ ଜଣେ ଲେଖାଏ ମୃତକ ରହିଛନ୍ତି।