ନୂଆଦିଲ୍ଲୀ,୯।୧୨ : ଗତ ପାଞ୍ଚ ବର୍ଷ ମଧ୍ୟରେ କେନ୍ଦ୍ର ସରକାର ଜାତୀୟ ସ୍ତରରେ ବିରୋଧୀ କାର୍ଯ୍ୟକଳାପକୁ ବନ୍ଦ କରିବା ପାଇଁ ବହୁ ସଂଖ୍ୟକ ଓ୍ବେବସାଇଟ ବ୍ଲକ କରିଛନ୍ତି। ଜାନୁୟାରୀ ୨୦୧୮ରୁ ଅକ୍ଟୋବର ୨୦୨୩ ମଧ୍ୟରେ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ସୂଚନା ପ୍ରଯୁକ୍ତି ଅଧିନିୟମର ଧାରା ୬୯-ଏ ଅନୁଯାୟୀ ୩୬,୮୩୮ ୱେବସାଇଟ ଉପରେ ପ୍ରତିବନ୍ଧକ ଲଗାଯାଇଛି। ଏହି ସୂଚନା ରାଷ୍ଟ୍ର ମନ୍ତ୍ରୀ ରାଜୀବ ଚନ୍ଦ୍ରଶେଖର ରାଜ୍ୟସଭାରେ ସିପିଆଇ (ଏମ) ସଦସ୍ୟ ଜନ ବ୍ରିଟାସଙ୍କର ଲିଖିତ ପ୍ରଶ୍ନର ଉତ୍ତରରେ ପ୍ରଦାନ କରିଛନ୍ତି।
ଅଧିକାଂଶ ୱେବସାଇଟର ୟୁଆରଏଲଗୁଡିକ ଅବରୋଧ କରିବାରେ ଏକ୍ସ ପ୍ରଥମ ସ୍ଥାନରେ ଅଛି। ଏହା ଗତ ୭୦ ଦିନ ମଧ୍ୟରେ ୧୩,୬୬୦ ୟୁଆରଏଲକୁ ଅବରୋଧ କରିଥିବାବେଳେ ଅନ୍ୟ ସୋସିଆଲ ମିଡିଆ ପ୍ଲାଟଫର୍ମ – ଫେସବୁକ, ଇନଷ୍ଟାଗ୍ରାମ ଏବଂ ୟୁଟ୍ୟୁବ ଆଇଟି ନିୟମ ଉପରେ କୌଣସି କଠୋର ପଦକ୍ଷେପ ଗ୍ରହଣ କରି ନାହାନ୍ତି। ୨୦୧୮ ରେ, ମିଇଇଟଓ୍ବାଇ ୨,୭୯୯ ୟୁଆରଏଲ ଗୁଡିକ ଅବରୋଧ କରିଥିବାବେଳେ ଚଳିତ ବର୍ଷ ଅକ୍ଟୋବର ପର୍ଯ୍ୟନ୍ତ ୭,୫୦୨ ୟୁଆରଏଲ ଗୁଡିକ ଅବରୋଧ କରାଯାଇଥିଲା । ୨୦୨୦ ରେ, ସର୍ବାଧିକ ୯,୮୪୯ ୟୁଆରଏଲ ଅବରୋଧ କରାଯାଇଥିଲା ।
ଆଇଟି ଆକ୍ଟର ଧାରା ୬୯-ଏ ଅନୁଯାୟୀ, ଆଇଟି ସଚିବଙ୍କ ଅନୁମୋଦନ କ୍ରମେ ଏବଂ ପ୍ରତିରୋଧ କମିଟିର ସୁପାରିଶ କ୍ରମେ ଏହା ୬ ଟି କାରଣରୁ କୌଣସି ମଧ୍ୟସ୍ଥି କିମ୍ବା ସରକାରୀ ଏଜେନ୍ସି ଉପରେ ପ୍ରତିବନ୍ଧକ ଲଗାଇବାକୁ ନିର୍ଦ୍ଦେଶ ଦେଇପାରେ। ଏହା ପଛର ଉଦ୍ଦେଶ୍ୟ ହେଉଛି ଭାରତର ସାର୍ବଭୌମତ୍ୱ ଏବଂ ଅଖଣ୍ଡତା ରକ୍ଷା କରିବା, ଭାରତର ପ୍ରତିରକ୍ଷା, ରାଜ୍ୟର ସୁରକ୍ଷା, ବିଦେଶୀ ରାଜ୍ୟ ସହ ବନ୍ଧୁତ୍ୱପୂର୍ଣ୍ଣ ସମ୍ପର୍କ କିମ୍ବା ସାଧାରଣ ଶୃଙ୍ଖଳା କିମ୍ବା କୌଣସି ଗୁରୁତର ଅପରାଧକୁ ରୋକିବା।
ଦିଆଯାଇଥିବା ୟୁଆରଏଲର ତାଲିକାରେ ଆପ୍ସ ବିରୋଧରେ ଦିଆଯାଇଥିବା ବ୍ଲକିଂ ଅର୍ଡର ଅନ୍ତର୍ଭୁକ୍ତ କି ନାହିଁ ତାହା ସ୍ପଷ୍ଟ ହୋଇନାହିଁ। ମାନହାନି, କପିରାଇଟ ଉଲ୍ଲଂଘନ ଇତ୍ୟାଦି ସହିତ କୌଣସି ଆଇନଗତ କାରଣ ପାଇଁ ନ୍ୟାୟିକ ଅଦାଲତ ଦ୍ୱାରା ଜାରି କରାଯାଇଥିବା ନିଷେଧ ଆଦେଶକୁ ଏହି ତଥ୍ୟ ଅନ୍ତର୍ଭୂକ୍ତ କରି ନାହିଁ।