ଭୁବନେଶ୍ୱର,୨୬।୫ଦେଶର ପ୍ରମୁଖ ଘରୋଇ ବୀମା କମ୍ପାନୀ ଏସ୍ବିଆଇ ଲାଇଫ୍ ଇନ୍ସ୍ୟୁରାନ୍ସ ୨୦୨୩-୨୪ ଆର୍ଥିକ ବର୍ଷରେ ୨୯% ବୃଦ୍ଧି ସହ ୩୮,୨୩୮କୋଟି ଟଙ୍କାର ନୂଆ ବ୍ୟବସାୟ ପ୍ରିମିୟମ ପଞ୍ଜୀକରଣ କରିଛି। ଏପରିକି ୨୦୨୨-୨୩ ଆର୍ଥିକ ବର୍ଷରେ ମୋଟ ପ୍ରିମିୟମ ୨୯,୫୮୯କୋଟି ଟଙ୍କା ଥିଲା। ତେବେ ଏସ୍ବିଆଇ ଲାଇଫ୍ ଇନ୍ସ୍ୟୁରାନ୍ସର ସିଙ୍ଗଲ ପ୍ରିମିୟମ ପୂର୍ବ ଆର୍ଥିକ ବର୍ଷ ତୁଳନାରେ ୪୪% ବୃଦ୍ଧି ପାଇଛି। ଏସ୍ବିଆଇ ଲାଇଫ୍ର ସୁରକ୍ଷା ନୂତନ ବ୍ୟବସାୟ ପ୍ରିମିୟମ ୨୦୨୩-୨୪ ଆର୍ଥିକ ବର୍ଷରେ ୧୫% ବୃଦ୍ଧି ହୋଇ ୪୧୬୫ କୋଟି ଟଙ୍କାରେ ପହଞ୍ଚିଛି। ସେହିପରି ସୁରକ୍ଷା ବ୍ୟକ୍ତିଗତ ନୂଆ ବ୍ୟବସାୟ ପ୍ରିମିୟମ ଏହି ଅବଧିରେ ୯୫୧ କୋଟି ଟଙ୍କା ରହିଥିବା ବେଳେ ବ୍ୟକ୍ତିଗତ ନୂଆ ବ୍ୟବସାୟ ପ୍ରିମିୟମ ୧୪% ବୃଦ୍ଧି ହୋଇ ୨୩,୮୩୨ କୋଟି ଟଙ୍କା ରହିଛି। ଏସ୍ବିଆଇ ଲାଇଫ୍ର ଟିକସ ପରବର୍ତ୍ତୀ ଲାଭ ୨୦୨୩-୨୪ରେ ୧୮୯୪ କୋଟି ଟଙ୍କା ରହିଥିବା ବେଳେ କମ୍ପାନୀର ସଲ୍ଭେନ୍ସି ଅନୁପାତ ୧.୯୬ ରହିଛି, ଯାହା ୧.୫୦ର ନିୟାମକ ଆବଶ୍ୟକତା ବିରୋଧରେ କମ୍ପାନୀର ଦୃଢ ସ୍ଥିତିକୁ ପ୍ରତିଫଳନ କରୁଛି। ଏସ୍ବିଆଇ ଲାଇଫ୍ର ଏୟୁଏମ୍ ଏହି ଆର୍ଥିକ ବର୍ଷରେ ୨୭% ବୃଦ୍ଧି ସହ ୩୮୮,୯୨୩ କୋଟି ଟଙ୍କାକୁ ବୃଦ୍ଧି ପାଇଛି। ଯାହା ୨୦୨୨-୨୩ ଆର୍ଥିକ ବର୍ଷରେ ୩୦୭,୩୩୯ କୋଟି ଟଙ୍କା ଥିଲା। କମ୍ପାନୀର ୩୧୬,୦୩୮ ଜଣ ପ୍ରଶିକ୍ଷିତ ଇନ୍ସ୍ୟୁରାନ୍ସ ପ୍ରଫେସ୍ନାଲଙ୍କର ଏକ ବିବିଧ ବିତରଣ ନେଟ୍ୱର୍କ ଏବଂ ଦେଶବ୍ୟାପୀ ୧୦୪୦ କାର୍ଯ୍ୟାଳୟ ସହ ବିସ୍ତୃତ ଉପସ୍ଥିତି ରହିଛି ା କମ୍ପାନୀ ବ୍ୟାଙ୍କ ଆସ୍ୟୁରାନ୍ସର ମଜଭୁତ ଚ୍ୟାନେଲ, ଏଜେନ୍ସି ଚ୍ୟାନେଲ ଏବଂ କର୍ପୋରେଟ୍ ଏଜେଣ୍ଟ, ବ୍ରୋକର, ପଏଣ୍ଟ ଅଫ୍ ସେଲ୍ ପର୍ସନ୍ସ (ପିଓଏସ୍), ଇନ୍ସୁରାନ୍ସ ମାର୍କେଟିଂ ଫାର୍ମ, ୱେବ୍ ଆଗ୍ରିଗେଟର ଓ ପ୍ରତ୍ୟକ୍ଷ ବ୍ୟବସାୟର ସ୍ବତନ୍ତ୍ର ଉପଯୋଗ ମାଧ୍ୟମରେ ଉତ୍ତମ ସମାଧାନ ପ୍ରଦାନ କରୁଛି।