ମୁମ୍ବାଇ,୧୮।୭: ବଲିଉଡ୍ ଅଭିନେତ୍ରୀ ଦେଶୀ ଗର୍ଲ ପ୍ରିୟଙ୍କା ଚୋପ୍ରାଙ୍କୁ ରବିବାର ୩୯ ବର୍ଷ ପୂରଣ ହୋଇଛି। ସେ ୧୯୮୨ ଜୁଲାଇ ୧୮ରେ ଜାମସେଦ୍ପୁରରେ ଜନ୍ମ ଗ୍ରହଣ କରିଥିଲେ। ୨୦୦୩ରେ ଦ ହିରୋ ଲଭ୍ ଷ୍ଟୋରୀ ଅଫ୍ ଏ ସ୍ପାଏ ଫିଲ୍ ମାଧ୍ୟମରେ ବଲିଉଡ୍ରେ ଡେବ୍ୟୁ କରିଥିଲେ। ଏହାପରେ ୨୦୦୩ରେ ଅନ୍ଦାଜ୍, ୨୦୦୪ରେ ମୁଝ୍ ସେ ଶାଦି କରୋଗି, ଏତ୍ରାଜ, ୨୦୦୬ରେ କ୍ରିସ୍, ଡନ୍ ଆଦି ଫିଲ୍ମରେ ଅଭିନୟ କରି ବେଶ୍ ପ୍ରଶଂସା ସାଉଁଟି ଥିଲେ। ୨୦୦୯ରେ କମିନେ, ୨୦୧୧ରେ ୭ ଖୁନ୍ ମାଫ୍, ୨୦୧୨ରେ ବର୍ଫି, ୨୦୧୪ରେ ମେରିକମ୍, ୨୦୧୫ରେ ଦିଲ୍ ଧଡକନେ ଦୋ, ବାଜି ରାଓ ମସ୍ତାନୀ, ୨୦୧୯ରେ ଦ ସ୍କାଏ ଇଜ୍ ପିଙ୍କ୍ରେ ଅଭିନୟ କରିଥିଲେ। ସେ ୨୦୨୧ରେ ହଲିଉଡ୍ ଫିଲ୍ମ ଦ ହ୍ବାଇଟ୍ ଟାଇଗରରେ ନିଜର ଅଭିନୟ ଦକ୍ଷତା ପ୍ରମାଣିତ କରିଥିଲେ। ୨୦୧୮ରେ ସେ ଆମେରିକା ଗାୟକ ତଥା ଅଭିନେତା ନିକ୍ ଜୋନାସ୍ଙ୍କୁ ବିବାହ କରିଥିଲେ। ଅଭିନୟ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ୨୦୧୬ରେ ପ୍ରିୟଙ୍କାକୁ ପ୍ରଦ୍ମଶ୍ରୀ ସମ୍ମାନରେ ସମ୍ମାନୀତ କରାଯାଇଥିଲା।