ମୁମ୍ବାଇ, ୧।୧୦ : ଜଣାଶୁଣା ଚଳଚ୍ଚିତ୍ର ଅଭିନେତା ଅନୁ କପୁର ଅନଲାଇନ ଠକେଇର ଶିକାର ହୋଇଛନ୍ତି। ଏକ ଅଗ୍ରଣୀ ଘରୋଇ କ୍ଷେତ୍ରୀୟ ବ୍ୟାଙ୍କରେ ତାଙ୍କ ଆକାଉଣ୍ଟରୁ ୪.୩୬ ଲକ୍ଷ ଟଙ୍କା କାଢି ନିଆଯାଇଛି। ତେବେ ପୋଲିସର ତୁରନ୍ତ କାର୍ଯ୍ୟାନୁଷ୍ଠାନ ଯୋଗୁ ସେ ୩.୦୮ ଲକ୍ଷ ଟଙ୍କା ଫେରସ୍ତ ପାଇଛନ୍ତି। ଓଶିୱାରା ପୋଲିସ ଷ୍ଟେଶନର ଜଣେ ଅଧିକାରୀ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ଗୁରୁବାର ଜଣେ ବ୍ୟକ୍ତି ଅନୁଙ୍କୁ ଫୋନ କରି କହିଥିଲେ ଯେ ତାଙ୍କର କେଓ୍ବାଇସିର ସବିଶେଷ ତଥ୍ୟ ଅପଡେଟ ହେବା ଜରୁରୀ। ତା’ପରେ ସେ ଅନୁଙ୍କୁ ତାଙ୍କ ବ୍ୟାଙ୍କ ଆକାଉଣ୍ଟ ବିବରଣୀ ଏବଂ ଗୋଟିଏ ଥର ପାସୱାର୍ଡ (ଓଟିପି) ଶେୟାର କରିବାକୁ କହିଥିଲେ। ଅନୁ ସେପରି କରିଥିଲେ।
ପୋଲିସ ଅଧିକାରୀଙ୍କ କହିବାନୁସାରେ, ’କିଛି ସମୟ ପରେ କଲର୍ କପୁରଙ୍କ ଆକାଉଣ୍ଟରୁ ୪.୩୬ ଲକ୍ଷ ଟଙ୍କା ଅନ୍ୟ ଦୁଇଟି ଆକାଉଣ୍ଟକୁ ସ୍ଥାନାନ୍ତର କରିଥିଲେ। ଏହି କାରବାର ସମ୍ପର୍କରେ ସୂଚନା ଦେବା ପାଇଁ ବ୍ୟାଙ୍କ ତୁରନ୍ତ ଅନୁଙ୍କୁ ଡାକିଥିଲା ଏବଂ ତାଙ୍କ ଆକାଉଣ୍ଟରେ ଟ୍ୟାମ୍ପରିଂ ହୋଇଥିବା ମଧ୍ୟ ସୂଚନା ଦେଇଥିଲା।
ପୋଲିସ ଅଧିକାରୀଙ୍କ କହିବାନୁସାରେ, କିଛି ସମୟ ପରେ କଲର୍ କପୁରଙ୍କ ଆକାଉଣ୍ଟରୁ ୪.୩୬ ଲକ୍ଷ ଟଙ୍କା ଅନ୍ୟ ଦୁଇଟି ଆକାଉଣ୍ଟକୁ ସ୍ଥାନାନ୍ତର କରିଥିଲେ। ଏହି କାରବାର ସମ୍ପର୍କରେ ସୂଚନା ଦେବା ପାଇଁ ବ୍ୟାଙ୍କ ତୁରନ୍ତ ଅନୁଙ୍କୁ ଡାକିଥିଲା ଏବଂ ତାଙ୍କ ଆକାଉଣ୍ଟରେ ଟ୍ୟାମ୍ପରିଂ ହୋଇଥିବା ମଧ୍ୟ ସୂଚନା ଦେଇଥିଲା।
ପୋଲିସ କହିଛି ଯେ ଉଭୟ ଆକାଉଣ୍ଟକୁ ଫ୍ରିଜ କରାଯାଇ ଅନୁଙ୍କୁ ୩.୦୮ ଲକ୍ଷ ଟଙ୍କା ଫେରସ୍ତ କରାଯାଇଛି। ଭାରତୀୟ ଦଣ୍ଡ ସଂହିତା ଏବଂ ସୂଚନା ପ୍ରଯୁକ୍ତିବିଦ୍ୟା ଅଧିନିୟମ ଅନୁଯାୟୀ ଏକ ମାମଲା ରୁଜୁ ହୋଇଛି। ଅନଲାଇନ ଠକେଇକାରୀଙ୍କୁ ଧରିବା ପାଇଁ ତଦନ୍ତ ଜାରି ରହିଛି।