କେନ୍ଦୁଝର,୨୧ା୧(ସ୍ବ.ପ୍ର.): କେନ୍ଦୁଝର ସଦରଥାନା ପୋଲିସ ଶନିବାର ଏକ ଟ୍ରକ ଚୋରି ଘଟଣାରେ ୪ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ ଏମ୍ଡି ଶେହଜାଦା ଆଲାମ(୨୩), ସାୟାନଓ୍ବାଜ ଖାନ(୨୬) ଏମ୍ଡି ସାହିଦ ଆଫ୍ରିଦ(୨୫) ଏମ୍ଡି ଆସଲାମ(୩୦)। ସେମାନଙ୍କର ଘର ବଡ଼ବିଲ ଥାନା ଅନ୍ତର୍ଗତ ୮ ନଂ ଓ୍ବାର୍ଡର ବର୍କତ ନଗରରେ ବୋଲି ଜଣାପଡ଼ିଛି। ତେବେ ସେମାନେ ୧୮ତାରିଖ ରାତିରେ (ଓଆର୍-ଜିର-୪-ଏନ-୧୮୭୭)ନମ୍ବର ବିଶିଷ୍ଟ ୧୦ ଚକିଆ ଟ୍ରକ୍କୁ ଶୁଆକାଟି ନିକଟସ୍ଥ ତେନ୍ତୁଳି ପାର୍କିଂରୁ ଚୋରି କରିଥିଲେ। ଏହାକୁ ନେଇ ଶ୍ୟାମସୁନ୍ଦର ସାହୁଙ୍କ ଅଭିଯୋଗ କ୍ରମେ ସଦର ଥାନା କେସ୍ ନଂ (୧୯/୨୩) ଏକ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଥିଲା। ସେମାନେ ଗାଡ଼ିର ନମ୍ବର କାଟି ବିକ୍ରି କରିଦେବାକୁ ଉଦ୍ୟମ କରୁଥିଲେ। ତାଙ୍କଠାରୁ ଟ୍ରକ୍ ସହିତ ଏକ ମହିନ୍ଦ୍ରା କାର୍ ବି ପୋଲିସ ଜବତ କରିଛି। ସେମାନେ ସଦର ଥାନା କେସ୍ ନଂ ୨୧/୨୩ ଟାଉନ ଥାନା କେସ୍ ନଂ (୧୪/୨୩) (୧୫/୨୩) ଟ୍ରକ୍ ଚୋରି କେସ୍ରେ ସଂପୃକ୍ତ ଥିବା ସନ୍ଦେହ କରି ପୋଲିସ ତଦନ୍ତ କରୁଥିବା ସଦର ଥାନାଧିକାରୀ ସୁନୀଲ କର ସୂଚନା ଦେଇଛନ୍ତି।