ମୁମ଼୍ବାଇ, ୩।୬: ମହାରଷ୍ଟ୍ରର ରାଜଧାନୀ ମୁମ଼୍ବାଇରୁ ଗୋଟିଏ ପରିବାରର ୪ ଜଣ ଭଉଣୀ ଭାଇ ନିଖୋଜ ହୋଇଯାଇଛନ୍ତି। ୪ ଭଉଣୀ ଭାଇ ଘର ଛାଡ଼ି ଟ୍ରେନ୍ରେ ମଧ୍ୟପ୍ରଦେଶର ଗ଼୍ବାଲିୟର ସହର ଯାଇଥିଲେ। ସେଠାରେ ଟ୍ରେନ୍ରୁ ଓହ୍ଲାଇବା ପରେ ନିଖୋଜ ହୋଇଯାଇଥିଲେ। ଏନେଇ ସ୍ଥାନୀୟ ପୋଲିସ୍ ଏକ ଏଜେନ୍ସିକୁ ସୂଚନା ଦେଇଛି। ଉକ୍ତ ଅଞ୍ଚଳର ଥାନାଧିକାରୀ ବିଜେନ୍ଦ୍ର ସିଂ ଚୌହାନ କହିଛନ୍ତି ଯେ, ମୁମ଼୍ବାଇ କ୍ରାଇମ୍ ବ୍ରାଞ୍ଚର ଏକ ଟିମ୍ ୮ରୁ ୧୮ ବର୍ଷ ମଧ୍ୟ ବୟସର ତିନିଜଣ ଝିଅ ଏବଂ ଗୋଟିଏ ପୁଅକୁ ଖୋଜିବାକୁ ଏଠାକୁ ଆସିଛନ୍ତି। ସେମାନେ ଭଉଣୀ ଭାଇ ହୋଇଥିବା ବେଳେ ଏବେ ନିଖୋଜ ଅଛନ୍ତି।
ମୁମ଼୍ବାଇ ପୋଲିସ ଗ଼୍ବାଲିୟର ଷ୍ଟେସନ୍ର ସିସିଟିଭି ଚେକ୍ କରିବା ପରେ ନିଖୋଜ ଭଉଣୀ ଭାଇ ଜଣେ ଅଟୋ ରିକ୍ସା ଚଳକଙ୍କ ସହ ଯାଉଥିବା ନଜରକୁ ଆସିଥିଲା। ପରେ ପୋଲିସ ସହାୟତାରେ କ୍ରାଇମ୍ ବ୍ରାଞ୍ଚ ଟିମ୍ ଉକ୍ତ ରିକ୍ସା ଚଳକର ସନ୍ଧାନ କରି ପଚରାଉଚରା କରିଛି। ସେ ପିଲାମାନଙ୍କୁ ଲକ୍ଷ୍ମୀଗଞ୍ଜ ଅଞ୍ଚଳରେ ଥିବା ଏକ ଚାଇଲ୍ଡ କେୟାର ସେଣ୍ଟର ନିକଟରେ ଛାଡ଼ିଥିବା କହିଥିଲା।
ତେବେ ରିକ୍ସା ଚାଳକଙ୍କ ତଥ୍ୟ ଅନୁସାରେ ପୋଲିସ ମାଧବ ବାଲ୍ ନିକେତନର ଅଧ୍ୟକ୍ଷ ନୂତନ ଶ୍ରୀବାସ୍ତବଙ୍କୁ ଏନେଇ ପଚରାଉଚରା କରିଥିଲା। କେବଳ ବାଲ୍ କଲ୍ୟାଣ ସମିତିର ନିର୍ଦ୍ଦେଶ ଅନୁସାରେ ତାଙ୍କ ନିକେତନ ପିଲାଙ୍କୁ ରଖିଥାଏ ବୋଲି ସେ କହିଥିଲେ। ନିଖୋଜ ୪ ଭଉଣୀ ଭାଇଙ୍କୁ ସେ ଏଠି ଛାଡ଼ି ନହାନ୍ତି ବୋଲି ସେ ଜଣାଇଥିଲେ। ତେବେ ପୋଲିସ୍ ଉକ୍ତ ନିକେତନର ସିସିଟିଭି ଯାଞ୍ଚ କରୁଛି।
