କଟକ ଅଫିସ,୨୯।୬: ରାଜ୍ୟରେ ସୋମବାର ୨୪୫ କରୋନା ପଜିଟିଭ ଚିହ୍ନଟ ହୋଇଥିବା ବେଳେ କଟକ ଜିଲାରୁ ଅଛନ୍ତି ୭ଜଣ। ଏମାନଙ୍କ ମଧ୍ୟରେ କଟକସ୍ଥିତ ଆଚାର୍ଯ୍ୟ ହରିହର ସ୍ନାତକୋତ୍ତର କର୍କଟ ରୋଗ ଅନୁଷ୍ଠାନରୁ ୬ ପଜିଟିଭ ରହିଛନ୍ତି। ୪ ରୋଗୀ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ଜଣେ ଆହାର କେନ୍ଦ୍ର କର୍ମଚାରୀ ଏବଂ ଅନ୍ୟ ଜଣେ ହସ୍ପିଟାଲ ଆଟେଣ୍ଡାଣ୍ଟ ବୋଲି ଜଣାପଡ଼ିଛି।
ପ୍ରକାଶ ଯେ, ଗତ ରବିବାର ଏହି ହସ୍ପିଟାଲରୁ ୨ ନର୍ସ କରୋନା ଆକ୍ରାନ୍ତ ହୋଇଥିଲେ। ସେହିପରି ଗତ ୨୪ ତାରିଖରେ ଆଉ ଜଣେ ୨୯ ବର୍ଷୀୟ ରୋଗୀଙ୍କ କରୋନା ପଜିଟିଭ ଚିହ୍ନଟ ହୋଇଥିଲା। ତେବେ ଏମାନଙ୍କୁ ମିଶାଇ ସମୁଦାୟ ୯ଜଣ ଏହି ହସ୍ପିଟାଲରୁ କରୋନା ପଜିଟିଭ ଚିହ୍ନଟ ହୋଇଛନ୍ତି।