ଚେନ୍ନାଇ,୨୩।୧: ତାମିଲନାଡୁର ଆରାକୋନାମରେ ମନ୍ଦିର ମହୋତ୍ସବରେ ଏକ କ୍ରେନ ଖସିପଡ଼ିବାରୁ ଅତି କମରେ ୪ ଜଣଙ୍କର ମୃତ୍ୟୁ ଘଟିଥିବା ବେଳେ ପ୍ରାୟ ୧୦ ଜଣ ଆହତ ହୋଇଛନ୍ତି। ରାଣୀପେଟ ଜିଲାର ନେମିଲି ପାଖରେ ଥିବା କିଲିଭେଡି ଅଞ୍ଚଳରେ ମାଣ୍ଡିଆାମ୍ମନ୍ ମନ୍ଦିର ଦ୍ରୌପଥିଆମ୍ମନ ପର୍ବ ଆୟୋଜନ କରାଯାଇଥିଲା। ବହୁ ସଂଖ୍ୟାରେ ଭକ୍ତ ଏଥିରେ ଯୋଗ ଦେଇଥିଲା। ହଠାତ୍ କ୍ରେନ ଖସିଯିବାରୁ ଲୋକଙ୍କ ମୃତ୍ୟୁ ଘଟିଥିଲା।
ଏହି ଦୁର୍ଘଟଣାରେ ଜଣେ ବାଳିକା ଶିଶୁ ସମେତ ପ୍ରାୟ ୧୦ ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଦୁର୍ଘଟଣା ସମୟରେ କ୍ରେନ ଚାରିପାଖରେ ପ୍ରାୟ ୧୫୦୦ ଭକ୍ତ ଉପସ୍ଥିତ ଥିଲେ।