ପାଟଣା,୨।୮(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକର ବିଭିନ୍ନ ସ୍ଥାନରେ ମଙ୍ଗଳବାର ସନ୍ଧ୍ୟାରୁ ଲଘୁଚାପ ଜନିତ ଲଗାଣ ବର୍ଷା ଲାଗି ରହିଛି। ଫଳରେ ବୁଧବାର ବିଭିନ୍ନ ସ୍ଥାନରେ ନଦୀ ନାଳ ସବୁ ଫୁଲି ଉଠିଛି। ପାଟଣା ବ୍ଲକ ରାଜନଗର କେନ୍ଦେଈପଶି ରାସ୍ତାର ଡେଣୁଆଁ ନିକଟରେ ଥିବା ଜହ୍ନେଇ ନାଳ ପୋଲ ଉପରେ ୪ଫୁଟର ବର୍ଷାଜଳ ପ୍ରବାହିତ ହେଉଥିବାରୁ ପାଟଣା ମୁଖ୍ୟାଳୟକୁ ଯୋଗାଯୋଗ ବିଛିନ୍ନ ହୋଇଛି ।
ସେହିପରି ସାହାରପଡା ବ୍ଲକ କୁମୁଳାବାହାଳୀଠାରେ ତେଲ ନଦୀ ଉପରେ ବର୍ଷା ଜଳ ପ୍ରବାହିତ ହେଉଛି । ଫଳରେ କେନ୍ଦୁଝର ମୟୂରଭଞ୍ଜ ମଧ୍ୟରେ ଯୋଗାଯୋଗ ବିଛିନ୍ନ ହୋଇଛି । ଏଥି ସହ ଘୋଳକୁଣ୍ଡ ନିକଟରେ ମଧ୍ୟ ତେଲ ନଦୀ ଉପରେ ବନ୍ୟାଜଳ ପ୍ରବାହିତ ହେଉଥିବାରୁ ସାହାରପଡ଼ା ବ୍ଲକର ଦାମାହୁଦା ପଞ୍ଚାୟତର ୫ରୁ ଊର୍ଦ୍ଧ୍ୱ ଗାଁ ବାହ୍ୟ ଜଗତରୁ ବିଛିନ୍ନ ହୋଇଛି । ସାହାରପଡା ବ୍ଲକ ଗଣ୍ଡ ବେଡା ପଞ୍ଚାୟତ ତେଲିପଡା ଗ୍ରାମର ଶରତ ନାଏକଙ୍କ ଘର ପାଣିରେ ବୁଡିଯିବା ସହ ଏକ ଟାଇଲ ଘର ଭୁଶୁଡି ପଡିଛି।
