ଭୁବନେଶ୍ୱର,୧୪ା୧୧,(ସରୋଜ ଜେନା): ନେପାଳ ସିରିଜ ପାଇଁ ସୋମବାର ଭାରତୀୟ ଦୃଷ୍ଟିବାଧିତ କ୍ରିକେଟ ମହାସଂଘ(କାବି) ପକ୍ଷରୁ ୧୭ ଜଣିଆ ମହିଳା ଦଳ ଘୋଷଣା କରାଯାଇଛି। ଏହି ଦଳରେ ୪ଜଣ ଓଡ଼ିଆ ଖେଳାଳି ସ୍ଥାନ ପାଇଛନ୍ତି। ନେପାଳ ସହିତ ପ୍ରଥମ ଥର ପାଇଁ ଏକ ଦ୍ୱିପାକ୍ଷିକ ସିରିଜ ଆୟୋଜନ କରାଯାଉଛି। ଡିସେମ୍ବର ୧୧ରୁ ୧୫ ମଧ୍ୟରେ ମୁମ୍ବାଇରେ ୫ଟି ଯାକ ଟି୨୦ ମ୍ୟାଚ୍ ଖେଳାଯିବ। ଓଡ଼ିଶାରୁ ଝିଲି ବିରୁଆ, ଫୁଲ ସୋରେନ୍, ବାସନ୍ତୀ ହାଁସଦା ଓ ପଦ୍ମିନୀ ଟୁଡୁ ଏହି ଦଳରେ ସାମିଲ ଅଛନ୍ତି। ଏହା ସହ ୪ ଜଣ ଖେଳାଳି ସିମରନଜିତ କୌର, ସୁନୀତା ସାରଥେ, ଗୀତା ମାହତୋ ଓ କାବ୍ୟା ଏନ୍ ଆର ପ୍ରଥମ ଥର ପାଇଁ ଭାରତୀୟ ଦଳକୁ ଡାକରା ପାଇଛନ୍ତି। ଏହି ସିରିଜ୍ ପୂର୍ବରୁ ମହାରାଷ୍ଟ୍ରର ସିବିଡି ବେଲାପୁରରେ ଏକ ୨୨ ଦିନିଆ କ୍ୟାମ୍ପ ଅନୁଷ୍ଠିତ ହେବ। ନଭେମ୍ବର ୨୮ ତାରିଖରେ ଏହି ଦଳର ଅଧିନାୟକ ଓ ଉପ ଅଧିନାୟକଙ୍କ ନାମ ଘୋଷଣା କରାଯିବ।
ଭାରତୀୟ ଦଳ: ବର୍ଷା ୟୁ (ବି-୧), ଭାଲାସାନାଇନି ରାଭାନ୍ନି (ବି-୧), ସିମୁ ଦାସ (ବି-୧), ପଦ୍ମିନୀ ଟୁଡୁ (ବି-୧), କିଲ୍ଲାକା ସନ୍ଧ୍ୟା(ବି-୧), ପ୍ରିୟା (ବି-୧), ସାନ୍ଦ୍ରା ଡେଭିସ୍ କରିମାଲିକ୍କାଲ (ବି-୨), ବାସନ୍ତୀ ହଁାସଦା(ବି-୨), ସୁନୀତା ସାରଥେ (ବି-୨), ସିମରନଜିତ୍ କୌର (ବି-୨), ସୁଷମା ପଟେଲ (ବି-୩), ଏମ. ସତ୍ୟବତୀ (ବି-୩), ଫୁଲ ସୋରେନ୍ (ବି-୩), ଝିଲି ବିରୁଆ (ବି-୩), ଗଙ୍ଗା ସମ୍ଭାଜୀକଦମ (ବି-୩), ଗୀତା ମାହାତୋ (ବି-୩), କାବ୍ୟା ଏନ୍. ଆର. (ବି-୩)।