ବାରିପଦା,୨।୭(ନୀଳାଦ୍ରି ବିହାରୀ ଦଣ୍ଡପାଟ): ମୟୂରଭଞ୍ଜ ଜିଲା ଯଶିପୁର ଅଞ୍ଚଳରେ ହାତୀ ଦାନ୍ତ ବିକ୍ରି ନିମନ୍ତେ ଡିଲ୍ ସମୟରେ ବନବିଭାଗ ଚଢ଼ାଉ କରି ୫ ଅଭିଯୁକ୍ତଙ୍କୁ ଗିରଫ କରିଛି। ସେମାନଙ୍କ ନିକଟରୁ ୪ଟି ହାତୀଦାନ୍ତ ଜବତ ହୋଇଛି । ବିଶ୍ବସ୍ତ ସୂତ୍ରରୁ ଖବରପାଇ ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପ ଦକ୍ଷିଣ ଡିଭିଜନର ଉପନିର୍ଦ୍ଦେଶକ ସମ୍ରାଟ ଗୌଡଙ୍କ ନିର୍ଦ୍ଦେଶକ୍ରମେ ଏକ ଟିମ୍ ଗଠନ କରାଯାଇଥିଲା । ଶିମିଳିପାଳ ଉତ୍ତର, ଦକ୍ଷିଣ ଓ ରାଇରଙ୍ଗପୁର ଡିଭିଜନର ଏସିଏଫ୍ ଓ କର୍ମଚାରୀମାନେ ଗ୍ରାହକ ସାଜି ଚଢ଼ାଉ କରିଥିଲେ । ଜବତ ଦାନ୍ତଗୁଡିକ ପରୀକ୍ଷା କରିବା ପରେ ହାତୀର ବୟସ ଜଣାପଡିବ ବୋଲି ବନ ଅଧିକାରୀମାନେ ପ୍ରକାଶ କରିଛନ୍ତି ।