ଜୟପୁର,୨୩।୧୨: ରାଜସ୍ଥାନର ଅଜମେରରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏକ କାର୍ ଟ୍ରେଲର୍ ଉପରେ ଚଢିଯିବା ଫଳରେ ୪ ଜଣଙ୍କର ମୃତ୍ୟୁ ଘଟିଥିବା ଜଣାପଡିଛି। ଗୁରୁବାର ସନ୍ଧ୍ୟାରେ ବନ୍ଦନଓ୍ବାରା ସହର ନିକଟ ଭିଲୱାରା-ଅଜମେର ରାଜପଥରେ ଏହି ଦୁର୍ଘଟଣା ଘଟିଛି। ସେମାନେ ଭିଲୱାରାଠାରୁ ଜୟପୁର ଅଭିମୁଖେ ଯାଉଥିଲେ। କାର୍ଟି ଦ୍ରୁତ ଗତିରେ ଆସି ଜାତୀୟ ରାଜପଥ ୪୮ରେ ଥିବା ଏକ ସରକାରୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ସମ୍ମୁଖରେ ପାର୍କିଂ ହୋଇଥିବା ଟ୍ରେଲର ଉପରେ ଚଢିଯାଇଥିଲା। କିଛି ସମୟ ପରେ ସ୍ଥାନୀୟ ଲୋକମାନେ ଘଟଣାସ୍ଥଳରେ ପହଞ୍ଚି ପୋଲିସକୁ ଖବର ଦେଇଥିଲେ। ଖବରପାଇ ପୋଲିସ ପହଞ୍ଚିବା ପରେ ମୃତଦେହକୁ ଉଦ୍ଧାର କରିଥିଲେ।