ରାଞ୍ଚି,୨୦।୨: ଗୋଠରୁ ଅଲଗା ହୋଇଯାଇଥିବା ଏକ ବଣୁଆ ହାତୀ ଝାଡ଼ଖଣ୍ଡର ଲୋହାରଡାଗା ଜିଲାରେ ୧୨ଘଣ୍ଟା ମଧ୍ୟରେ ୪ଜଣଙ୍କୁ ଦଳି ମାରିଦେଇଛି। ମୃତକମାନେ ହେଲେ ଝାଲୋ ଓରାଂ(୨୮), ନେହା ଦେବୀ(୨୦), ଲାଲ୍ମୋହନ ମାହାତୋ(୬୫) ଏବଂ ମୁନିୟା ଦେବୀ। ରବିବାର ସନ୍ଧ୍ୟାରେ ହାତୀଟି ମାସିୟାତୁ ଗ୍ରାମରେ ପ୍ରବେଶ କଲା ବେଳେ ଲୋକେ ତାକୁ ତଡ଼ିବାକୁ ଉଦ୍ୟମ କରିଥିଲେ। ହାତୀଟି ରାଗିଯାଇ ମୁନିୟା ଦେବୀଙ୍କୁ ଶୁଣ୍ଢରେ ଟାଣିନେଇ ଦଳିଦେଇଥିଲା। ସୋମବାର ସକାଳେ କାସପୁର ଗ୍ରାମ ନିକଟରେ ଅନ୍ୟ ୩ଜଣଙ୍କୁ ହାତୀ ମାରିଦେଇଛି।