ଜେନେଭା, ୧୯।୫ : କେଉଁ କେଉଁ କାରଣରୁ ଜଳବାୟୁ ପରିବର୍ତ୍ତନ ହେଉଛି ସେ ନେଇ ଜାତିସଂଘର ଏକ ସଂଗଠନ ୱାଲର୍ଡ ମେଟେରୋଲୋଜିକାଲ ଅର୍ଗାନାଇଜେସନ (ଡବ୍ଲ୍ୟୁଏମ୍ଓ) ପକ୍ଷରୁ ଏକ ରିପୋର୍ଟ ଜାରି ହୋଇଛି। ୨୦୨୧ରେ ଜଳବାୟୁ ପରିବର୍ତ୍ତନ ଉପରେ ଏକ ରିପୋର୍ଟ ପ୍ରକାଶିତ ହୋଇଛି।
ଏହି ରିପୋର୍ଟରେ, ଗ୍ରୀନ ହାଉସ ଗ୍ୟାସର ଘନତା, ସମୁଦ୍ର ପତ୍ତନ ବୃଦ୍ଧି, ସମୁଦ୍ରର ତାପମାତ୍ରା ବୃଦ୍ଧି ଏବଂ ସମୁଦ୍ରରେ ଏସିଡ ବୃଦ୍ଧି ଆଦି ୪ଟି ପ୍ରମୁଖ କାରଣକୁ ଜଳବାୟୁ ପରିବର୍ତ୍ତନରେ ମୁଖ୍ୟ ଭୂମିକା ରହିଥିବା ଦର୍ଶାଯାଇଛି। ଜାତିସଂଘ ଏଜେନ୍ସି ଅନୁଯାୟୀ, ଏହା ଦର୍ଶାଉଛି ଯେ ମାନବର ବିଭିନ୍ନ କାର୍ଯ୍ୟକଳାପ ଯୋଗୁ ସ୍ଥଳ, ମହାସାଗର ଏବଂ ବାୟୁମଣ୍ଡଳରେ ବଡ଼ ପରିବର୍ତ୍ତନ ଘଟୁଛି।
ଏହି କାରଣରୁ, ବିକାଶ ଏବଂ ଇକୋସିଷ୍ଟମ ଉପରେ ଖରାପ ପ୍ରଭାବ ପଡୁଛି। ବୁଧବାର ଏଜେନ୍ସି ପକ୍ଷରୁ ଡବ୍ଲ୍ୟୁଏମ୍ଓ ଷ୍ଟେଟ ଅଫ ଗ୍ଲୋବାଲ କ୍ଲାଇମେଟ୍ ଇନ୍ ୨୦୨୧ ନାମକ ଏକ ରିପୋର୍ଟ ପ୍ରକାଶ କରିଛି। ଯେଉଁଥିରେ ଦର୍ଶାଯାଇଛି ଯେ ଗତ ସାତ ବର୍ଷ ମଧ୍ୟରେ ୨୦୨୧ ସବୁଠୁ ଉତ୍ତପ୍ତ ବର୍ଷ ହେବାର ରେକର୍ଡ ସୃଷ୍ଟି କରିଛି। ଜଳବାୟୁ ପରିବର୍ତ୍ତନ ଯୋଗୁ କୋଟି କୋଟି ଲୋକ ପ୍ରଭାବିତ ହୋଇଛନ୍ତି। ସାଂଘାତିକ ବନ୍ୟା ପରିସ୍ଥିତିକୁ ନେଇ ଦକ୍ଷିଣ ଦେଶଗୁଡ଼ିକ ମୁକାବିଲା କରୁଛନ୍ତି।
ଏଥିସହିତ ଭାରତ ଏବଂ ପାକିସ୍ଥାନର ଲୋକମାନେ ପ୍ରବଳ ଉତ୍ତାପରେ ଜଳି ଯାଉଛନ୍ତି। ଜାତିସଂଘ ଏଜେନ୍ସି ଦ୍ୱାରା ପ୍ରକାଶିତ ଏହି ରିପୋର୍ଟକୁ ଚଳିତ ବର୍ଷ ଇଜିପ୍ଟରେ ହେବାକୁ ଥିବା ଜାତିସଂଘର ଜଳବାୟୁ ପରିବର୍ତ୍ତନ ସମ୍ମିଳନୀ ଆଲୋଚନାରେ ଏକ ଡକ୍ୟୁମେଣ୍ଟ ଭାବରେ ବ୍ୟବହାର କରାଯିବ ବୋଲି କୁହାଯାଇଛି। ଜାତିସଂଘର ସେକ୍ରେଟେରୀ ଜେନେରାଲ ଆଣ୍ଟୋନିଓ ଗୁଟେରସ କହିଛନ୍ତି ଯେ ଏଜେନ୍ସି ଦ୍ୱାରା ପ୍ରକାଶିତ ରିପୋର୍ଟ ଜଳବାୟୁ ସମସ୍ୟାର ମୁକାବିଲା କରିବାରେ ସହାୟକ ହୋଇପାରେ। ଅକ୍ଷୟ ଶକ୍ତି ପରିବର୍ତ୍ତନକୁ ତ୍ୱରାନୱିତ କରିବାକୁ ପଡିବ।
ଏଥି ସହିତ ଜୀବାଶ୍ମ ଇନ୍ଧନ ଉପରେ ଶକ୍ତି ପ୍ରଣାଳୀର ନିର୍ଭରଶୀଳତାକୁ ଦୂର କରିବାକୁ ପଡିବ ବୋଲି ସେ କହିଛନ୍ତି। ପୃଥିବୀର ବିଭିନ୍ନ ଗୁରୁତର ପାଣିପାଗ ଘଟଣାଗୁଡ଼ିକୁ ତାଲିକାଭୁକ୍ତ କରି ଡବ୍ଲ୍ୟୁଏମ୍ଓ କହିଛି ଯେ ଏହା ଯୋଗୁ ୨୦୨୧ ରେ ୧୦୦ ବିଲିୟନ ଡଲାରରୁ ଅଧିକ କ୍ଷତି ଘଟିଛି । ଖାଦ୍ୟ ସୁରକ୍ଷା ଗୁରୁତର ଭାବରେ କ୍ଷତିଗ୍ରସ୍ତ ହୋଇଛି।
୨୦୨୧ ରେ ପୃଥିବୀର ସମୁଦ୍ର ପତ୍ତନ ଏକ ନୂତନ ରେକର୍ଡରେ ପହଞ୍ଚିଛି। ୨୦୧୩-୨୦୨୧ ବର୍ଷରେଏହା ହାରାହାରି ୪.୫ ମିଲିମିଟର ବୃଦ୍ଧି ପାଇଛି। ଉପକୂଳବର୍ତ୍ତୀ ଅଞ୍ଚଳଗୁଡିକ ପାଇଁ ଏହା କିପରି ବିପର୍ଯ୍ୟୟ ସୃଷ୍ଟି କରିବ ବୋଲି ରିପୋର୍ଟରେ ଉଲ୍ଲେଖ କରାଯାଇଛି।