କଟକ ଅଫିସ,୧୫ା୭: ବୁଧବାର କଟକ ସହରରେ ୪ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏହାକୁ ମିଶାଇ କଟକ ସହରରେ ଆକ୍ରାନ୍ତଙ୍କ ସଂଖ୍ୟା ୨୯୫କୁ ବୃଦ୍ଧି ପାଇଥିବା ସିଏମ୍ସି ପକ୍ଷରୁ ସୂଚନା ଦିଆଯାଇଛି। ଏହି ଆକ୍ରାନ୍ତଙ୍କ ମଧ୍ୟରୁ ୨ଟି ଇନ୍ଷ୍ଟିଚ୍ୟୁଶନାଲ କେସ୍ ହୋଇଥିବା ବେଳେ ଗୋଟିଏ ହୋମ୍ କ୍ୱାରାଣ୍ଟାଇନ୍ ଏବଂ ଆଉ ଗୋଟିଏ ଲୋକାଲ କେସ୍ ରହିଛି। ଏମାନଙ୍କ ମଧ୍ୟରେ ଜଣେ ୬୦ ବର୍ଷର ବୃଦ୍ଧା ଥିବା ବେଳେ ୪୬, ୩୬ ଏବଂ ୩୪ ବର୍ଷୀୟ ପୁରୁଷ ରହିଛନ୍ତି।
ସୂଚନାଯୋଗ୍ୟ, କଟକ ସହରରେ ବର୍ତ୍ତମାନ ସୁଦ୍ଧା ମୋଟ୍ ୨୯୫ କରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ୧୩୪ ଜଣ ସୁସ୍ଥ ହୋଇଛନ୍ତି। ୭ ଜଣଙ୍କ ମୃତ୍ୟୁ ଘଟିଛି। ୧୫୪ ଜଣ ଚିକିତ୍ସିତ ହେଉଛନ୍ତି।
