କେନ୍ଦୁଝର,୩।୧୨(ସ୍ବ.ପ୍ର.): କେନ୍ଦୁଝର ଜିଲା ତେଲକୋଇ ବନାଞ୍ଚଳ ଦେଉଳଡିହା ଗ୍ରାମ୍ୟ କାଜୁ ଜଙ୍ଗଲରେ ବିଦ୍ୟୁତ୍ ତାର ବିଛାଇଥିବା ଅଭିଯୋଗରେ ୪ ଜଣଙ୍କୁ ଗିରଫ କରାଯାଇଛି। ଶନିବାର ପଶୁ ଶିକାର କରିବାକୁ ଉଦ୍ୟମ କରୁଥିବା ଚାରି ଜଣଙ୍କୁ ବନ ବିଭାଗ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ ମଣ୍ଟୁ ବିନ୍ଧାଣି, ଟିକନ ପ୍ରଧାନ, ଚିକୁନ ପ୍ରଧାନ, ବାଇଧର ମହାକୁଡ଼ ବୋଲି ଜଣାପଡ଼ିଛି। ସେମାନଙ୍କ ଘର ସ୍ଥାନୀୟ ତେଲକୋଇ ବ୍ଲକ ଦେଉଳଡିହା ଗ୍ରାମରେ ବୋଲି ଜଣାପଡ଼ିଛି । ଏ ନେଇ ଡିଏଫଓ ଏଚ୍ଡି ଧନରାଜ ସୂଚନା ଦେଇଛନ୍ତି। ସେମାନଙ୍କଠାରୁ ପ୍ରାୟ ୧ କିମି ଲମ୍ବ ତାର ଓ ଅନ୍ୟାନ୍ୟ ସାମଗ୍ରୀ ଜବତ କରାଯାଇଛି। ବନବିଭାଗ କର୍ମଚାରୀମାନେ ଜଙ୍ଗଲରେ ପାଟ୍ରୋଲିଂ ବେଳେ ସେମାନଙ୍କୁ ଗିରଫ କରାଯାଇଛି।
