ଚଣ୍ଡିଗଡ଼, ୨୩ା୫: ଗ୍ୟାଙ୍ଗ୍ଷ୍ଟର ଲରେନ୍ସ ବିଷ୍ଣୋଇ ଗ୍ୟାଙ୍ଗ୍ର ୪ ଜଣ ଶୁଟରଙ୍କୁ ପଞ୍ଜାବ ପୋଲିସ୍ର ଆଣ୍ଟି-ଗ୍ୟାଙ୍ଗ୍ଷ୍ଟର ଟାସ୍କଫୋର୍ସ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ମେହଫୁଜ୍ ଓରଫ ବିଶାଲ ଖାନ୍, ମନ୍ଜିତ ସିଂ, ଅଙ୍କିତ୍ ଏବଂ ଗୋଲ୍ଡି। ମେହଫୁଜ୍ ଓ ମନ୍ଜିତଙ୍କ ଘର ଡେରା ବାସି ଅଞ୍ଚଳରେ ହୋଇଥିବାବେଳେ ଅନ୍ୟ ଦୁଇଜଣ ହରିୟାଣା ପଞ୍ଚକୁଲା ଅଞ୍ଚଳର। ସେମାନଙ୍କଠାରୁ ୬ଟି ପିସ୍ତଲ, ୨୬ କ୍ୟାଟ୍ରିଜ୍ ଜବତ ହୋଇଛି। ଅଭିଯୁକ୍ତମାନଙ୍କ ନାଁରେ ହତ୍ୟା ଉଦ୍ୟମ, ଅପହରଣ, ବଟି ଆଦାୟ ଆଦି ବହୁ ଅପରାଧ ମାମଲା ରହିଛି।