ମା’ବାପାଙ୍କ ପାଇଁ ସେମାନଙ୍କ ପିଲାମାନେ ସବୁବେଳେ ଗୁରୁତ୍ୱପୁର୍ଣ୍ଣ। ମା’ ୯ ମାସ ପର୍ଯ୍ୟନ୍ତ ନିଜ ସନ୍ତାନକୁ ଗର୍ଭରେ ରଖୁଥିବା ବେଳେ ବାବା ବଡ଼ ହେବା ପର୍ଯ୍ୟନ୍ତ ନିଜ ପିଲାର ଯତ୍ନ ନେଇଥାନ୍ତି। ହେଲେ କିଛି ଲୋକ ଏହାକୁ ଭୁଲ ବୋଲି ପ୍ରମାଣିତ କରିଥାନ୍ତି। ସେମିତି ଏକ ଘଟଣା ଏବେ ସାମ୍ନାକୁ ଆସିଛି। ଜଣେ ୪ ବର୍ଷର ଶିଶୁପୁତ୍ର ନିଜ ପ୍ୟାଣ୍ଟରେ ଝାଡା କରିଦେବାରୁ ନିଜ ବାପା ପିଟିପିଟି ହତ୍ୟା କରିଛନ୍ତି। ଘଟଣାଟି ହେଉଛି ଲସ୍ ଆଞ୍ଜେଲ୍ସର ପାମଡେଲର।
୫ ଜୁଲାଇ, ୨୦୧୯ର ଏହି ଘଟଣା। ଜୋଶ ମାରିୟା(୨୮) ଏବଂ ବେବି ଉର୍ସୁଲା(୨୬)ଙ୍କ ୪ ବର୍ଷର ଶିଶୁପୁତ୍ର ହେଉଛନ୍ତି ନୋହା କତରୋ। ଜୁଲାଇ ୫ରେ ବାପା-ମା’ ନୋହାଙ୍କୁ ଗୁରୁତର ଅବସ୍ଥାରେ ହସ୍ପିଟାଲକୁ ନେଇଥିଲେ। ସୁଇମିଂ ପୁଲ୍ରେ ବୁଡିଯାଇ ପୁଅ ଗୁରୁତର ହୋଇଥିବା ସେମାନେ ଡାକ୍ତରଙ୍କୁ କହିଥିଲେ। କିନ୍ତୁ ଶିଶୁର ଶରୀରରେ ଅନେକ କ୍ଷତ ଚିହ୍ନ ଥିବା ଡାକ୍ତର ଦେଖିବାକୁ ପାଇଥିଲେ। ମାତ୍ର ଏହାର ଦିନକ ପରେ ଚିକିତ୍ସାଧୀନ ଅବସ୍ଥାରେ ଶିଶୁର ମୃତ୍ୟୁ ଘଟିଥିଲା। ଏ ନେଇ ପୋଲିସ ଏକ ମାମଲା ରୁଜୁ କରାଯାଇଥିଲା। ପୋଲିସର ତଦନ୍ତ ପରେ ସମସ୍ତ ଘଟଣା ସାମ୍ନାକୁ ଆସିଥିଲା। ଚଳିତବର୍ଷ ଜାନୁୟାରୀରେ ଜୋଶ ଓ ବେବିଙ୍କୁ ହତ୍ୟା ମାମଲାରେ ଦୋଷୀ ସାବ୍ୟସ୍ତ କରାଯାଇଛି। ମୃତ୍ୟୁ ପୂର୍ବରୁ ନୋହାଙ୍କୁ ୪ ମାସ ଧରି ନିର୍ଯାତନା ଦିଆଯାଉଥିଲା। ନୋହା ଅନେକ ଥର ନିଜ ପ୍ୟାଣ୍ଟରେ ଝାଡା କରିଦେଉଥିଲେ। ଏଥିପାଇଁ ତାଙ୍କ ମା’ବାପା ତାଙ୍କୁ ଅନେକ ମାସ ହେବ ଅତି ନିର୍ମମ ଭାବେ ମାରି ଚାଲିଥିଲେ। ଏହି ମାମଲାର ତଦନ୍ତ ଏବେ ବି ଜାରି ରହିଛି।
ଏହି ଅଭିଯୋଗ ପ୍ରମାଣିତ ହେବା ପରେ ବାପାଙ୍କୁ ୪୭ ଏବଂ ମା’ଙ୍କୁ ୩୨ ବର୍ଷ ଜେଲଦଣ୍ଡ ଭୋଗିବାକୁ ପଡ଼ିବ ବୋଲି ଜଣାପଡ଼ିଛି।