ବେଗୁନିଆପଡ଼ା,୧୨।୨(ଡି.ଏନ୍.ଏ.): ଏକ ବଡ଼ ଧରଣର ଡକାୟତି ଯୋଜନାକୁ ପଣ୍ଡ କରିଛି ବେଗୁନିଆପଡ଼ା ଥାନା ପୋଲିସ। ଗଞ୍ଜାମ ଜିଲା ବେଗୁନିଆପଡ଼ା ଥାନା ଅଧୀନ ତିରିଡା ରାସ୍ତାର ପାଣିଟାଙ୍କି ନିକଟରେ ୪ଜଣ ଯୁବକ ଡକାୟତି ଯୋଜନା କରୁଥିଲେ। ସେତିକିବେଳେ ବେଗୁନିଆପଡ଼ା ପୋଲିସ ଚଢାଉ କରି ୪ଜଣ ଯୁବକଙ୍କୁ ଧରିବାରେ ସଫଳ ହୋଇଥିଲା। ଗିରଫ ଅଭିଯୁକ୍ତମାନେ ହେଲେ ଯାଜପୁର ଜିଲା ଜାଖପୁରା ଦାସମଣିଆ ଗ୍ରାମର ସୁନୀଲ ପ୍ରଧାନ(୨୩), ବିଜୟ ପ୍ରଧାନ(୨୫), ସଞ୍ଜୟ ପ୍ରଧାନ(୨୩) ଓ ସୁନୀଲ ପ୍ରଧାନ(୩୩)। ଗିରଫ ଅଭିଯୁକ୍ତଙ୍କ ନିକଟରୁ ବିଭିନ୍ନ ମାରଣାସ୍ତ୍ର, ଦୁଇଟି ବାଇକ୍ ସମେତ ମଦ ବୋତଲ ଏବଂ ସିଗାରେଟ ଜବତ କରାଯାଇଛି।
ଗିରଫ ଅଭିଯୁକ୍ତଙ୍କ ନାମରେ ପୂର୍ବରୁ ବୌଦ୍ଧ, ବରଗଡ଼, କଳିଙ୍ଗନଗର ଓ ସୋରଡ଼ା ଥାନାରେ ମାମଲା ରହିଛି। ପୋଲିସ ଏକ ମାମଲା (ନଂ.୪୩/୨୩) ରୁଜୁ କରି ଗିରଫ ଅଭିଯକ୍ତମାନଙ୍କୁ କୋର୍ଟ ଚାଲାଣ କରାଯାଇଥିବା ବେଗୁନିଆପଡ଼ା ଥାନା ଏସ୍ଆଇ ସଂଗ୍ରାମ ଦେଉରୀ ସୂଚନା ଦେଇଛନ୍ତି।