ମସୌରୀ, ୮।୧୦: ଉତ୍ତରାଖଣ୍ଡ ମସୌରୀରେ ଏକ ବଡ଼ ଦୁର୍ଘଟଣା ଟଳି ଯାଇଛି। ଇଣ୍ଡୋ-ତୀବ୍ଦତୀୟ ବର୍ଡର ପୋଲିସ (ଆଇଟିବିପି)ର ଯବାନଙ୍କୁ ନେଇ ଯାଉଥିବା ଏକ ବସ୍ ଅଳ୍ପକେ ଏକ ଖାଇକୁ ଖସି ପଡ଼ିବାରୁ ବର୍ତ୍ତିଯାଇଛି। ମସୌରୀର କ୍ୟାମ୍ପଟି ରୋଡ୍ ଜେଡବ୍ଲ୍ୟୁ ମେରିୟଟ୍ ହୋଟେଲ ନିକଟରେ ଆଇଟିବିପି ଯବନାଙ୍କୁ ନେଇ ଯାଉଥିବା ଏକ ବସ୍ ନିୟନ୍ତ୍ରଣ ହରାଇ ଗୋଟିଏ ଖାଇକୁ ଗଳି ପଡ଼ିବାରୁ ଅଳ୍ପକେ ରକ୍ଷା ପାଇଯାଇଛି। ଫଳରେ ଏହି ବସରେ ବସିଥିବା ୪୦ ଜଣ ଯବାନଙ୍କ ଜୀବନ ବଞ୍ଚିଯାଇଛି। ସ୍ଥାନୀୟ ଲୋକ, ପୋଲିସ ଓ ଆଇଟିବିପିର ଯବାନମାନେ ରଶି ସହାୟତାରେ ବସ୍କୁ ଭିଡ଼ି ସୁରକ୍ଷିତ ସ୍ଥାନକୁ ଆଣିଛନ୍ତି। କୁହାଯାଉଛି କି, ବସ୍ଟି ହଠାତ୍ ବ୍ରେକ୍ ଫେଲ୍ ହୋଇଯାଇଥିଲା। ଫଳରେ ନିୟନ୍ତ୍ରଣ ହରାଇ ବସଟି ରାସ୍ତା କଡ଼ରେ ଥିବା ପାରାପେଟିରେ ଧକ୍କା ଖାଇ ଝୁଲି ରହିଥିଲା। ଏହାପରେ ସ୍ଥାନୀୟ ଲୋକ, ପୋଲିସ ଓ ଯବାନଙ୍କ ମିଳିତ ପ୍ରୟାସରେ ରଶି ସହାୟତାରେ ବସ୍କୁ ଖାଇ ମୁହଁରୁ ଭିଡି ଅଣାଯାଇଥିଲା।
