ଅମରାବତୀ,୨୬।୧୦: ଆନ୍ଧ୍ରପ୍ରଦେଶର ଶ୍ରୀକାକୁଲମ ଜିଲାର କବିତା ମଣ୍ଡଳର ଶିଲାଗାମ ଅଞ୍ଚଳରେ ୪୦ରୁ ଊର୍ଦ୍ଧ୍ୱ ମାଙ୍କଡଙ୍କର ମୃତଦେହ ଉଦ୍ଧାର କରାଯାଇଛି। ବିଷାକ୍ତ ଖାଦ୍ୟ ଖାଇ ଏଭଳି ଘଟିଥିବା କୁହାଯାଉଛି। ବୁଦା ଭିତରେ ଗଦା ହୋଇ ପଡ଼ିଥିବା ଦେଖି ସ୍ଥାନୀୟ ଲୋକ ବନବିଭାଗକୁ ଖବର ଦେଇଥିଲେ। ବନବିଭାଗ ଘଟଣାସ୍ଥଳରେ ପହଞ୍ଚି ମୃତଦେହକୁ ପୋଷ୍ଟମର୍ଟମ ପାଇଁ ପଠାଇ ପଶୁ ଅଧିନିୟମ ଅନୁଯାୟୀ ମାମଲା ଦାୟର କରିଥିବା ଜଣାପଡିଛି। ଶ୍ରୀକାକୁଲମର କାସିଗୁଗା ବନ ଅଧିକାରୀ ମୁରଲୀ କୃଷ୍ଣ ଏହି ଘଟଣାକୁ ନେଇ କହିଛନ୍ତି ଯେ, ଜିଲାରେ ଏଭଳି ଘଟଣା ଆମେ କେବେ ଦେଖି ନ ଥିଲୁ। କେହି ଜଣେ ମାଙ୍କଡକୁ ଟ୍ରାକ୍ଟରରେ ଆଣି ଗାଁ ଜଙ୍ଗଲ ନିକଟରେ ଛାଡିଦେଇଛି। ମାଙ୍କଡମାନଙ୍କର ଏକ ପୋଷ୍ଟମର୍ଟମ କରାଯାଇଛି। ୫ ଦିନ ମଧ୍ୟରେ ରିପୋର୍ଟ ଆସିଯିବ। ପଶୁ ଅଧିନିୟମ ଅନୁଯାୟୀ ଏକ ମାମଲା ଦାୟର କରାଯିବା ସହ ତଦନ୍ତ ଚାଲିଛି। ଖୁବ୍ଶୀଘ୍ର ଦୋଷୀଙ୍କୁ ଗିରଫ କରାଯିବ ବୋଲି ସେ କହିଛନ୍ତି।
