ବ୍ରହ୍ମପୁର ଅଫିସ,୨ା୧: ବ୍ରହ୍ମପୁର ସଦର ଥାନା ଅନ୍ତର୍ଗତ ଲୋଚାପଡ଼ା ବ୍ରଜନଗର ତୃତୀୟ ଲାଇନ୍ରେ ରହୁଥିବା ଜଣେ ଅବସରପ୍ରାପ୍ତ ଶିକ୍ଷକ ଦମ୍ପତିଙ୍କ ଘରୁ ଚୋରି ହୋଇଛି। ଚୋରମାନେ ୪୦ଭରି ସୁନାଗହଣା, ୧୫ ହଜାର ଟଙ୍କାର ରୁପା ସାମଗ୍ରୀ ଓ ୧୦ ହଜାର ନଗଦ ଟଙ୍କା ନେଇଯାଇଥିବା ଜଣାପଡ଼ିଛି।
ଲୋଚାପଡ଼ା ବ୍ରଜନଗରରେ ରହୁଥିବା ଅବସରପ୍ରାପ୍ତ ଶିକ୍ଷକ ଦମ୍ପତି ହରିକୃଷ୍ଣ ପୃଷ୍ଟି ଓ ସ୍ତ୍ରୀ ପଦ୍ମିନୀ ଗତ କିଛିଦିନ ହେଲା ବାହାରେ ଥିବା ତାଙ୍କ ଝିଅ ଘରକୁ ଯାଇଥିଲେ। ଏଣୁ ଘରେ ତାଲା ଦିଆଯାଇଥିଲା। ରବିବାର ସକାଳେ କାମବାଲା ସଫା କରିବା ପାଇଁ ଆସିଥିଲେ। ଏହି ସମୟରେ ସେ ତାଲା ଭଙ୍ଗା ଯାଇଥିବା ଦେଖି ହରିକୃଷ୍ଣଙ୍କୁ ଜଣାଇଥିଲେ। ବାପାଙ୍କଠାରୁ ଖବର ପାଇ ଭୁବନେଶ୍ୱରରେ ରହୁଥିବା ପୁଅ ଡାକ୍ତର ଭେଙ୍କଟେଶ୍ୱର ପୃଷ୍ଟି ବ୍ରହ୍ମପୁରରେ ପହଞ୍ଚିଥିଲେ। ଯାଞ୍ଚ ପରେ ଘର ଭିତରେ ଜନିଷପତ୍ର ଫିଙ୍ଗା ଫୋପଡ଼ା ହୋଇଥିବା ବେଳେ ଆଲମିରା ଭଙ୍ଗା ଯାଇଥିବା ଦେଖିବାକୁ ପାଇଥିଲେ। ପୋଲିସକୁ ଖବର ଦେବା ପରେ ସଦର ଏସ୍ଡିପିଓ ଶିବଶଙ୍କର ମହାପାତ୍ରଙ୍କ ନେତୃତ୍ୱରେ ଏକ ଟିମ୍ ତଦନ୍ତ କରିଥିଲା।