କାବୁଲ,୮।୩ : ଆଫଗାନିସ୍ତାନରେ ତାଲିବାନ୍ ଶାସନ ଆରମ୍ଭ ହେବାଠାରୁ ଇତିମଧ୍ୟରେ ୪୦୦ ନାଗରିକଙ୍କୁ ହତ୍ୟା କରାଯାଇଛି। ଏସମ୍ପର୍କରେ ଜାତିସଂଘ ପକ୍ଷରୁ ଏକ ରିପୋର୍ଟ ପ୍ରକାଶ ପାଇଛି। ରିପୋର୍ଟରେ ଉଲ୍ଲେଖ କରାଯାଇଛି ଯେ, ମୃତ ନାଗରିକଙ୍କ ମଧ୍ୟରୁ ୮୦ ପ୍ରତିଶତ ଅଧିକ ଲୋକଙ୍କୁ ଇସଲାମିକ୍ ଷ୍ଟେଟ୍ ଦ୍ୱାରା ହତ୍ୟା କରାଯାଇଛି।
ସେଥିମଧ୍ୟରୁ କେତେକଙ୍କର ରାଜରାସ୍ତାରେ ମୁଣ୍ଡକାଟ୍ କରାଯାଇଥିଲା।
ସେହିପରି କିଛି ଲୋକଙ୍କୁ ନିର୍ମମ ଭାବେ ନିର୍ଯାତନା ପରେ ରାସ୍ତା କଡ଼ରେ ପକାଇ ଦିଆଯାଇଥିଲା। ଏହା ଦ୍ୱାରା ପରେ ତାଙ୍କର ମୃତ୍ୟୁ ଘଟିଥିଲା। ଦେଶରେ ମାନବାଧିକାର ସ୍ଥିତି ଦୟନୀୟ ଅବସ୍ଥାରେ ପହଞ୍ଚିଥିବା ଜାତିସଂଘ ରିପୋର୍ଟରେ କୁହାଯାଇଛି।
ଦୀର୍ଘ ୨୦ ବର୍ଷ ପରେ ୨୦୨୧ ଅଗଷ୍ଟରେ ତାଲିବାନ ଆଫଗାନିସ୍ତାନର ଶାସନ ଡୋର ଧରିଛି। ଗତ ୬ ମାସ ମଧ୍ୟରେ ଏସବୁ ନାଗରିକଙ୍କୁ ହତ୍ୟା କରାଯାଇଥିବା ଜାତିସଂଘ ରିପୋର୍ଟରେ ଦର୍ଶାଯାଇଛି।
