କାଶୀନଗର:୧୬।୪(ଡି.ଏନ୍.ଏ.): ଗଜପତି ଜିଲା କାଶୀନାଗର ଅଙ୍କରଡା ଗାଁ ନିକଟରୁ ବିପୁଳ ପରିମାଣର ଗଞ୍ଜେଇ ସହ ଗୋଟେ ଗାଡ଼ି ଜବତ ହୋଇଛି । ବିଶ୍ୱସ୍ତ ସୂତ୍ରରୁ ଖବରପାଇ କାଶୀନଗର ପୋଲିସ ସା ସମୟରେ ପାଟ୍ରୋଲିଂ କରୁଥିବା ବେଳେ ଖଣ୍ଡବା ଠାରୁ ଅଙ୍କରଡ଼ା ଯିବା ରାସ୍ତାରେ ଏକ ଓଡି୧୮-ଏ-୫୯୨୯ ନମ୍ବର ବିଶିଷ୍ଟ ଗାଡିକୁ ଯାଞ୍ଚ କରି ସେଥି ମଧ୍ୟରୁ ୪ ଶହ କିଲୋ ଗଞ୍ଜାଇ ଜବତ କରଛି। ଏହ ସହ ଉକ୍ତ ଗାଡ଼ିକୁ ଜବତ କରିଥିବା କାଶୀନଗର ଥାନା ଅଧିକାରୀ ସୁଶାନ୍ତ କୁମାର ସାହୁ ସୂଚନା ଦେଇଛନ୍ତି। ଡ୍ରାଇଭର ଗାଡ଼ି ଛାଡି ଫେରାର ହୋଇଯାଇଥିବା ଜଣାପଡ଼ିଛି। ସ୍ଥାନୀୟ ତହସିଲଦାର ଆଶିଷ କୁମାର ପ୍ରଧାନ ମାଜିଷ୍ଟ୍ରେଟ ଭାବେ ଉପସ୍ଥିତ ଥିଲେ।
