ଭୁବନେଶ୍ୱର,୧୯।୪(ବ୍ୟୁରୋ): ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବଢ଼ିବାରେ ଲାଗିଛି। ସୋମବାର ରାଜ୍ୟରୁ ୪,୪୪୫ ପଜିଟିଭ୍ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ବର୍ତ୍ତମାନ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୩,୭୨,୭୦୩ରେ ପହଞ୍ଚିଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ସୂଚନା ଦେଇଛି। ଏଥିମଧ୍ୟରୁ କ୍ୱାରାଣ୍ଟାଇନ୍ରୁ ୨୫୭୪ ଜଣ ଚିହ୍ନଟ ହୋଇଥିବା ବେଳେ ୧୮୭୧ ଜଣ ସ୍ଥାନୀୟ ସଂକ୍ରମିତ ଅଟନ୍ତି।
ଆଜି ସୁନ୍ଦରଗଡ଼ରୁ ସର୍ବାଧିକ ୭୨୨ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଖୋର୍ଦ୍ଧାରୁରୁ ୫୮୭ ଏବଂ ନୂଆପଡ଼ାରୁ ୪୩୭ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।
ସେହିପରି ଅନୁଗୋଳରୁ ୮୭, ବାଲେଶ୍ୱର ୧୨୩, ବରଗଡ଼ ୧୭୮, ଭଦ୍ରକ ୪୩, ବଲାଙ୍ଗୀର ୧୬୮, ବୌଦ୍ଧ ୨୧, କଟକ ୨୫୧, ଦେବଗଡ଼ ୩୫, ଢେଙ୍କାନାଳ ୨୦, ଗଜପତି ୧୦, ଗଞ୍ଜାମ ୬୨, ଜଗତସିଂହପୁର ୩୩, ଯାଜପୁର ୫୮, ଝାରସୁଗୁଡ଼ା ୨୩୧, କଳାହାଣ୍ଡି ୨୭୩, କେନ୍ଦ୍ରାପଡ଼ା ୩୫, କନ୍ଧମାଳ ୨୯, କେନ୍ଦୁଝର ୭୫, କୋରାପୁଟ ୨୧, ମାଲକାନଗିରି ୯, ମୟୂରଭଞ୍ଜ ୧୦୦, ନବରଙ୍ଗପୁର ୧୨୭, ନୟାଗଡ଼ ୫୦, ପୁରୀ ୧୨୯, ରାୟଗଡ଼ା ୫୩, ସମ୍ବଲପୁରରୁ ୨୪୧ ଏବଂ ସୋନପୁରରୁ ୨୨ ଆକ୍ରାନ୍ତ ଚିହ୍ନଟ ହୋଇଛନ୍ତି। ଷ୍ଟେଟ୍ ପୁଲ୍ ସଂଖ୍ୟା ରହିଛି ୧୨୫।
ସେହିପରି ଆଜି ୪ କରୋନା ଆକ୍ରାନ୍ତ ଆଖି ବୁଜିଥିବା ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂଚନାରୁ ଜଣାପଡ଼ିଛି। ରାଜ୍ୟରେ କରୋନା ଜନିତ ମୃତ୍ୟୁସଂଖ୍ୟା ୧୯୪୮ରେ ପହଞ୍ଚିଛି।
ସୂଚନାଯୋଗ୍ୟ, ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ୍ ଆକ୍ରାନ୍ତଙ୍କ ସଂଖ୍ୟା ୩,୭୨,୭୦୩ରେ ପହଞ୍ଚିଥିବା ବେଳେ ୩,୪୬,୧୩୪ ଜଣ ସୁସ୍ଥ ହୋଇଛନ୍ତି। ୨୪,୫୬୮ ଜଣ ଚିକିିତ୍ସିତ ହେଉଛନ୍ତି।