ଭୁବନେଶ୍ୱର, ୨୩।୯: ଓଡ଼ିଶାରେ ବୁଧବାର ୪ ହଜାର ୫୨ ଜଣ ଲୋକ କରୋନାରୁ ଆରୋଗ୍ୟ ଲାଭ କରିଛନ୍ତି। ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟୁଇଟ୍ ଯୋଗେ ଦିଆଯାଇଥିବା ସୂଚନା ଅନୁଯାୟୀ, ରାଜ୍ୟରେ ବୁଧବାର ସୁଦ୍ଧା ମୋଟ୍ ଏକ ଲକ୍ଷ ୫୭ ହଜାର ୨୬୫ ଜଣ କରୋନାରୁ ଆରୋଗ୍ୟ ହୋଇଛନ୍ତି। ବୁଧବାର ଖୋର୍ଦ୍ଧାରୁ ସର୍ବାଧିକ ୭୧୬ ଜଣ ସୁସ୍ଥ ହୋଇଛନ୍ତି। ସେହିଭଳି କଟକରୁ ୩୭୮, ସୁନ୍ଦରଗଡ଼ ୧୮୨, ପୁରୀ ୧୮୧, ଜଗତ୍ସିଂହପୁର ୧୬୪, ଯାଜପୁର ୧୫୨, ଝାରସୁଗୁଡ଼ା ୧୫୦, ରାୟଗଡ଼ା ୧୪୬, ମୟୂରଭଞ୍ଜ ୧୩୮, କେନ୍ଦ୍ରାପଡ଼ା ୧୨୯, ସମ୍ବଲପୁର ୧୨୮, ସୋନପୁର ୧୨୬, ଅନୁଗୋଳ ୧୨୨, ନୂଆପଡ଼ା ୧୨୧,ବାଲେଶ୍ୱର ୧୧୧, ନବରଙ୍ଗପୁର ୧୦୧, ବରଗଡ଼ ୯୭, କୋରାପୁଟ ୯୧, କେନ୍ଦୁଝର ୮୩, କଳାହାଣ୍ଡି ୭୯, କନ୍ଧମାଳ ୭୨, ଢେଙ୍କାନାଳ ୭୧, ଭଦ୍ରକ ୬୫, ଗଞ୍ଜାମ ୫୫, ନୟାଗଡ଼ ୪୫, ବଲାଙ୍ଗୀର ୪୪, ମାଲକାନଗିରି ୩୬, ଦେବଗଡ଼ ୨୦, ବୌଦ୍ଧ ୧୭ ଓ ଗଜପତିରୁ ୧୫ ଜଣ ଲୋକ ଆରୋଗ୍ୟ ହୋଇଛନ୍ତି।
