ବ୍ରହ୍ମପୁର ଅଫିସ,୨୬।୨: ଅବକାରୀ ଗୋଇନ୍ଦା ବିଭାଗ ରବିବାର ମହୁରୀକଳୁଆ ଛକରୁ ଏକ ଗଞ୍ଜେଇ ଭର୍ତ୍ତି ବୋଲେରୋ ଗାଡ଼ି ଜବତ କରିଛି। ଘଟଣାରେ ସମ୍ପୃକ୍ତ ଥିବା ୨ଜଣ ଚାଲାଣକାରୀଙ୍କୁ ଅବକାରୀ ଗିରଫ କରିଛି। ଯାଞ୍ଚ ବେଳେ ଗାଡିରୁ ୪୦୯ କେଜି ଗଞ୍ଜେଇ ଜବତ ହୋଇଛି। ଚାଲାଣକାରୀମାନେ ଗଜପତି ଜିଲା ମୋହନାରୁ ଗଞ୍ଜେଇ ଆଣି ବ୍ରହ୍ମପୁର ଦେଇ ଭୁବନେଶ୍ୱର ନେଉଥିବା ଅବକାରୀ ଟିମ୍ ଜେରା ବେଳେ ଜାଣିବାକୁ ପାଇଛି। ଏନେଇ ଅବକାରୀ ପୋଲିସ ଏକ ମାମଲା(ନଂ.୧୦୦୨/୨୨-୨୩) ରୁଜୁ କରିଛି। ଜବତ ଗଞ୍ଜଇ ଓ ବୋଲେରୋ ଗାଡ଼ିର ମୂଲ୍ୟ ୫୦ ଲକ୍ଷ ଟଙ୍କା ହେବ ବୋଲି ଅବକାରୀ ପୋଲିସ ପକ୍ଷରୁ ସୂଚନା ମିଳିଛି।