ସୋରଡ଼ା,୬ା୩(ଲମ୍ବୋଦର ପାଣିଗ୍ରାହୀ): ଆଦିବାସୀ ବହୁଳ ସୋରଡ଼ା ବ୍ଲକ୍କୁ ୨୦୨୩ /୨୪ ଆର୍ଥିକ ବର୍ଷରେ ୧୪ଟି ପ୍ରକଳ୍ପ ପାଇଁ ୪୧ ଲକ୍ଷ ୬୦ ହଜାର ଓ ପାତ୍ରପୁର ବ୍ଲକକୁ ୧୪ଟି ପ୍ରକଳ୍ପ ପାଇଁ ୪୮ ଲକ୍ଷ ଟଙ୍କା ପରିଷଦ ଗଠନ ହେବା ପରେ ପ୍ରଥମ କରି ଆସିଥିବା ଜଣାପଡ଼ିଛି। ଗତ ଡିସେମ୍ବରରେ ପ୍ରସ୍ତାବ ଯାଇଥିବା ବେଳେ ଏବେ ଅଳ୍ପ ଦିନ ବ୍ୟବଧାନରେ ଅର୍ଥ ପହଞ୍ଚିଛି । ୨୦୧୭ରେ ଏହି ପରିଷଦ ଗଠନ ହେଲାପରେ ପ୍ରଥମେ ୯ ଜିଲା ଅନ୍ତର୍ଭୁକ୍ତ ହୋଇଥିଲା। ପରେ ୨୦୨୩ରେ ୧୪ଟି ଜିଲା ପୁଣି ସାମିଲ ହେଲା। ସେଥି ମଧ୍ୟରେ ଗଞ୍ଜାମ ଜିଲାର ପାତ୍ରପୁର ଓ ସୋରଡ଼ା ବ୍ଲକକୁ ସାମିଲ କରାଯାଇଥିଲା। ଉନ୍ନୟନ ପରିଷଦ ଅଧ୍ୟକ୍ଷ ବିଦ୍ୟାଧର ଯାନୀ ସୋରଡ଼ା ଗସ୍ତରେ ଆସିଥିବା ବେଳେ ତାଙ୍କ କହିବା ଅନୁଯାୟୀ, ଆଦିବାସୀ ବହୁଳ ଅଞ୍ଚଳରେ କଳା,ସଂସ୍କୃତି,ପରମ୍ପରାକୁ ଜାଗ୍ରତ ରଖିବା, ବିକାଶ ତଥା ସେମାନଙ୍କର ସାମୂହିକ ଉନ୍ନତି ପାଇଁ ସରକାରଙ୍କ ଏହି ଯୋଜନା ରହିଛି । ଗଞ୍ଜାମ ସତନ୍ତ୍ର ଉନ୍ନୟନ ପରିଷଦ ତରଫରୁ ଚିଠି ନମ୍ବର ୧୭୯୭/୨୩/୦୨/୨୦୨୪ ରେ ବିଙ୍କୁ ମଞ୍ଜୁରୀ ନିର୍ଦ୍ଦେଶ ଆସିଯାଇଛି। କ୍ରୀଡ଼ା, ଶିକ୍ଷା, ଧାର୍ମିକ ପୀଠସ୍ଥଳୀ, ସାଂସ୍କୃତିକ ଅଭିବୃଦ୍ଧି, ପାରମ୍ପରିକ ପୋଷାକ, ଜୀବନଧାରାକୁ ବଜାୟ ରଖିବା ପାଇଁ ପରିଷଦ ଚେଷ୍ଟିତ ରହିଛି। ସୋରଡ଼ା ବ୍ଲକର କେ ବରିଡା, ଜିପି ଶାସନ, ଗାଜରକୁମ୍ପା,ବାଟପଡିଆ,ହରିପୁର, ସାଗିଡି, ମାଣ୍ଡିଆଖମଣ, ଶାନ୍ତିନଗର, ଆକାଶନଗର,କୁରୁବନ୍ଧ,ବାଦୁଆପଲ୍ଲଦ୍,କାଳିଆପଲ୍ଲୀ,ବାଲାପଙ୍କାଠାରେ ଜନଜାତି ସାଂସ୍କୃତିକ ଗୃହ,ଉପାସନା ପୀଠ ଧାର୍ମିକ ପୀଠମାନଙ୍କ ସୁରକ୍ଷା ପାଇଁ ପାଚେରି ନିର୍ମାଣ ପାଇଁ ଏହି ଅର୍ଥ ବ୍ୟୟ ହେବ।