ବେଜିଂ: ମାରାଥନ୍ ଦୌଡ଼ର ମୁଖ୍ୟ ଉଦ୍ଦେଶ୍ୟ ଶରୀରକୁ ଫିଟ୍ ରଖିବା । ଏକାଧିକ କିଲୋମିଟରର ମାରାଥନ୍ରେ ସୁସ୍ଥ ଲୋକ ଭାଗ ନେଉଥିବାର ଦେଖାଯାଏ। କିନ୍ତୁ ଚାଇନାର ବେଶ୍ ଜଣାଶୁଣା ୫୦ ବର୍ଷୀୟ ଚେନ୍ ସ୍ମୋକର ସିଗାରେଟ୍ ଟାଣି ୪୨ କି.ମି. ଦୂର ମାରାଥନ ଦୌଡ଼ିଛନ୍ତି। ସ୍ଥାନୀୟ ଅଞ୍ଚଳରେ ସେ ଅଙ୍କଲ ଚେନ୍ ଭାବେ ଜଣାଶୁଣା। ଆଶ୍ଚର୍ଯ୍ୟର କଥା ମାତ୍ର ୩ ଘଣ୍ଟା ୨୮ ମିନିଟ୍ରେ ସେ ଏହି ମାରାଥନ୍ ପୂରା କରିଛନ୍ତି।
ନଭେମ୍ବର ୬ରେ ଜିଆନ୍ଦେରେ ଶିନ୍ ଆଞ୍ଜିଆଙ୍ଗରେ ଅନୁଷ୍ଠିତ ହୋଇଥିବା ମାରାଥନରେ ପ୍ରାୟ ୧,୫୦୦ ଜଣ ଭାଗ ନେଇଥିବାବେଳେ ସେମାନଙ୍କ ଭିତରୁ ମାତ୍ର ୫୭୪ ଜଣ ଏହାକୁ ପୂରା କରିପାରିଛନ୍ତି। ମାରାଥନ୍ରେ ଦୌଡ଼ିବା ସମୟରେ ଅଙ୍କଲ ଚେନ୍ ନୂଆ କରି ସିଗାରେଟ୍ ଟାଣୁନାହାନ୍ତି ବରଂ ୨୦୧୮ ଗୁଆଙ୍ଗଝୋଉ ମାରାଥନ୍ ଏବଂ ୨୦୧୯ରେ ଅନୁଷ୍ଠିତ ଶିଆମେନ୍ ମାରାଥନରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଥିଲା। ବର୍ତ୍ତମାନ ଅଙ୍କଲ ଚେନ୍ଙ୍କ ଫଟୋ ଓ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି।
