ନୂଆଦିଲ୍ଲୀ, ୨।୨ : ଜମ୍ମୁ-କଶ୍ମୀରରୁ ଅନୁଚ୍ଛେଦ ୩୭୦ ହଟିବା ପରେ ରାଜ୍ୟରେ ଜାରି ରହିଥିବା ଆତଙ୍କବାଦ ବିରୋଧି ଅପରେଶନ୍ ଅଲ୍ଆଉଟ୍ ବେଶ୍ ସଫଳ ରହିଛି। ରାଜ୍ୟରେ ୪୩୯ ଆତଙ୍କବାଦୀଙ୍କ ମୁଣ୍ଡ ବିଭିନ୍ନ ଏନ୍କାଉଣ୍ଟରରେ ଗଡ଼ିଛି।
ସେହିପରି ୫୪୧ ଆତଙ୍କବାଦୀ ଆକ୍ରମଣ ଘଟିଛି ବୋଲି ସ୍ବରାଷ୍ଟ୍ର ରାଷ୍ଟ୍ରମନ୍ତ୍ରୀ ନିତ୍ୟାନନ୍ଦ ରାୟ ଏକ ଲିଖିତ ପ୍ରଶ୍ନର ଉତ୍ତରରେ ରାଜ୍ୟ ସଭାରେ ସୂଚନା ଦେଇଛନ୍ତି। ଏମ୍ପି ନୀରଜ ଡାଙ୍ଗିଙ୍କ ଦ୍ୱାରା ପଚରା ଯାଇଥିବା ପ୍ରଶ୍ନର ଉତ୍ତରରେ ନିତ୍ୟାନନ୍ଦ କହିଛନ୍ତି ଯେ, ୨୦୧୯ ଅଗଷ୍ଟ ୫ରୁ ୨୦୨୨ ଜାନୁୟାରୀ ୨୬ ମଧ୍ୟରେ ଏସବୁ ଆତଙ୍କବାଦୀ ନିହତ ହୋଇଛନ୍ତି।
ସେହିପରି ଏହି ସମୟ ମଧ୍ୟରେ ୯୮ ନାଗରିକଙ୍କ ମୃତ୍ୟୁ ଘଟିଛି। ଅପରପକ୍ଷରେ ୧୦୯ ସୁରକ୍ଷାକର୍ମୀ ଶହୀଦ୍ ହୋଇଛନ୍ତି। ବିଭିନ୍ନ ଆତଙ୍କବାଦୀ ଆକ୍ରମଣରେ ୫.୩ କୋଟି ଟଙ୍କାର ଘରୋଇ ସମ୍ପତ୍ତି ନଷ୍ଟ ହୋଇଥିବା ନିତ୍ୟାନନ୍ଦ ରାୟ ସୂଚନା ଦେଇଛନ୍ତି।
