ସିଡନୀ,୨୪।୧: ଭାରତୀୟ ଟେନିସ ତାରକା ରୋହନ ବୋପାନ୍ନା ଇତିହାସ ସୃଷ୍ଟି କରିଛନ୍ତି। ରୋହନ ବୋପାନ୍ନା ଏବଂ ମ୍ୟାଟ ଏବଡେନ ଅଷ୍ଟ୍ରେଲିୟ ଓପନର ସେମିଫାଇନାଲରେ ପ୍ରବେଶ କରିଛନ୍ତି। ୪୪ ବର୍ଷୀୟ ରୋହନ ଏବଂ ମ୍ୟାଟ ନ କ୍ୱାର୍ଟର ଫାଇନାଲ ମ୍ୟାଚ ୬-୪, ୭-୬ (୭-୫) ଜିତି ସେମିଫାଇନାଲରେ ପ୍ରବେଶ କରିଥିଲେ। ଏଥି ସହିତ ଏହି ବିଜୟ ପରେ ରୋହନ ଏବଂ ମ୍ୟାଟ ଏବଡେନ ପୁରୁଷ ଡବଲ୍ସରେ ବିଶ୍ୱ ନମ୍ବର-୧ ହୋଇପାରିଛନ୍ତି।
ଅଷ୍ଟ୍ରେଲୀୟ ଓପନ କ୍ୱାର୍ଟର ଫାଇନାଲ ମ୍ୟାଚରେ ଆର୍ଜେଣ୍ଟିନାର ମ୍ୟାକ୍ସିମୋ ଗୋଞ୍ଜାଲେଜ ଏବଂ ଆଣ୍ଡ୍ରେସ ମଲଟେନି ରୋହନ ବୋପାନ୍ନା ଏବଂ ମ୍ୟାଟ ଏବଡେନଙ୍କ ସହ ମୁହାଁମୁହିଁ ହୋଇଥିଲେ। କିନ୍ତୁ ରୋହନ ବୋପାନ୍ନା ଏବଂ ମ୍ୟାଟ ଏବଡେନ ବିରୋଧୀ ଖେଳାଳିଙ୍କୁ କୌଣସି ସୁଯୋଗ ଦେଇନଥିଲେ। ମ୍ୟାକ୍ସିମୋ ଗୋଞ୍ଜାଲେଜ ଏବଂ ଆଣ୍ଡ୍ରେସ ମଲଟେନି ୬-୪, ୭-୬ (୭-୫) ହାରିଗଲେ। ଏହିପରି ରୋହନ ବୋପାନ୍ନା ଏବଂ ମ୍ୟାଟ ଏବଡେନ ଅଷ୍ଟ୍ରେଲୀୟ ଓପନର ସେମିଫାଇନାଲରେ ପ୍ରବେଶ କରିଛନ୍ତି। ଏଥିସହ ରୋହନ ବୋପାନ୍ନା ଏବଂ ମ୍ୟାଟ ଏବଡେନ ପୁରୁଷ ଡବଲ୍ସରେ ବିଶ୍ୱ ମାନ୍ୟତାରେ ଶୀର୍ଷରେ ପହଞ୍ଚିଛନ୍ତି।