ପୁଣେ,୨୭।୩: ମହାରାଷ୍ଟ୍ରର ପୁଣେର ଫେଶନ ଷ୍ଟ୍ରିଟ୍ରେ ଶୁକ୍ରବାର ବିଳମ୍ବିତ ରାତ୍ରରେ ଅଗ୍ନିକାଣ୍ଡ ଘଟିଛି। ଏଥିରେ ଛୋଟବଡ଼ ୪୪୮ଟି ଦୋକାନ ଜଳି ପୋଡ଼ି ପାଉଁଶ ହୋଇଯାଇଛି। ରାତ୍ର ପ୍ରାୟ ୧୧ଟା ସମୟରେ ହଠାତ୍ ନିଆଁ ଲାଗିଯାଇଥିଲା। ଚାହୁଁଚାହୁଁ ଏହା ତୀବ୍ରବେଗରେ ବ୍ୟାପିବାରେ ଲାଗିଥିଲା। ଖବର ପାଇ ଘଟଣାସ୍ଥଳରେ ୧୬ ଦମକଳ ଗାଡ଼ି, ୫୦ ଅଗ୍ନିଶମ ବାହିନୀ ଏବଂ ୧୦ ଅଧିକାରୀ ପହଞ୍ଚିଥିଲେ ମଧ୍ୟ ଦୋକାନଗୁଡ଼ିକ ପୋଡ଼ି ପାଉଁଶ ହୋଇଯାଇଥିଲା। ଏଠାରେ ପ୍ରାୟ ୫୦୦ ଦୋକାନ ରହିଛି। ପ୍ରତି ଦୋକାନ ଅନ୍ୟ ଦୋକାନ ସହିତ ଲାଗି ରହିଛି। ଅଗ୍ନିକାଣ୍ଡର କାରଣ ଜଣାପଡ଼ି ନ ଥିଲେ ମଧ୍ୟ ଏହା ଶର୍ଟ ସର୍କିଟ୍ ଯୋଗୁ ହୋଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଥିବା ପୁଣେ କ୍ୟାଣ୍ଟନମେଣ୍ଟ୍ ବୋର୍ଡ ସିଇଓ ଅମିତ କୁମାର ସୂଚନା ଦେଇଛନ୍ତି।