ଗୋପାଳପୁର,୧୮ା୧୧(ନବୀନ ରାଜ ଆଚାରୀ): ଗଞ୍ଜାମ ଜିଲା ଗୋଳନ୍ଥରା ପୋଲିସ ଏକ ଜୁଆଆଡ୍ଡାରେ ଚଢ଼ାଉ କରି ୫ ଜୁଆଡ଼ିଙ୍କୁ କାବୁ କରିବା ସହ ନଗଦ ୪୫ ହଜାରରୁ ଊର୍ଦ୍ଧ୍ୱ ଟଙ୍କା ଜବତ କରିଥିବା ସୂଚନା ଦେଇଛି। ୫ ଜଣ ହେଲେ ଗୋବିନ୍ଦନଗର ଗ୍ରାମର ଶ୍ରୀକାନ୍ତ ନାୟକ, ଏମ୍ ରାଜୁ, ମୀନକେତନ ସାହୁ, ଅମର ସାହୁ ଓ ଶିବ ଶଙ୍କର ଦାସ।
ସୂଚନାନୁସାରେ, ଏହି ଥାନା ଅଧିନସ୍ଥ ଗୋବିନ୍ଦନଗର ଗ୍ରାମ ଏକ ଖୋଲାସ୍ଥାନରେ ଶୁକ୍ରବାର ରାତିରେ ଜୁଆଆଡ୍ଡା ଚାଲିଥିବା ଖବର ପାଇ ଗୋଳନ୍ଥରା ପୋଲିସ ଟିମ୍ ସେଠାରେ ଚଢ଼ାଉ କରିଥିଲା। କିଛି ଜୁଆଡ଼ି ଚମ୍ପଟ ମାରିଥିବା ବେଳେ ୫ ଜଣଙ୍କୁ ପୋଲିସ କାବୁ କରିଥିଲା। ତାଙ୍କଠାରୁ ତାସ୍ ସହିତ ୪୫ ହଜାର ୫୧୦ ଟଙ୍କା ଜବତ କରିଛି । ଏ ନେଇ ଥାନାରେ କେସ୍ ୫୮୮/୨୩ରେ ମାମଲା ରୁଜୁ କରି ପୋଲିସ ୫ ଜଣଙ୍କୁ ଗିରଫ କରିଥିବା ଜଣାପଡ଼ିଛି।