ଆଲଜେରିସ,୨୬।୧୧ : ଆଲଜେରିଆର ରାଜଧାନୀର ଏକ କୋର୍ଟ ଚିତ୍ରକର ଜାମିଲ ବେନ ଇସମାଇଲଙ୍କୁ ପିଟି ପିଟି ହତ୍ୟା କରିବା ନେଇ ୪୯ ଜଣଙ୍କୁ ଦୋଷୀ ସାବ୍ୟସ୍ତ କରି ମୃତ୍ୟୁଦଣ୍ଡାଦେଶ ଦେଇଛନ୍ତି। ଆଇନଜୀବୀଙ୍କ କହିବାନୁସାରେ, ମୃତ ବ୍ୟକ୍ତି ଜଣକ ଜଙ୍ଗଲରେ ନିଆଁ ଲଗାଇବାର ସନ୍ଦେହ କରାଯାଉଥିଲା।
ବାସ୍ତବରେ ସେ ନିଆଁକୁ ଆୟତ୍ତ କରିବା ପାଇଁ ସାହାଯ୍ୟ କରିବାକୁ ଆଗେଇ ଆସିଥିଲେ। ଦଶନ୍ଧି ଧରି ଆଲଜେରିଆରେ ମୃତ୍ୟୁଦଣ୍ଡ ଉପରେ ପ୍ରତିବନ୍ଧକ ଲଗାଯାଇଛି। ତେଣୁ ସମସ୍ତ ଦୋଷୀ ମୃତ୍ୟୁଦଣ୍ଡ ପରିବର୍ତ୍ତେ ଆଜୀବନ କାରାଦଣ୍ଡ ଭୋଗିବେ ବୋଲି କୁହାଯାଉଛି।
ଗତ ବର୍ଷ ଉତ୍ତର-ପୂର୍ବ ଆଲଜେରିଆର ଆଦିବାସୀ ଅଞ୍ଚଳରେ ଘଟିଥିବା ଏହି ହତ୍ୟାକାଣ୍ଡ ଦେଶକୁ ଚକିତ କରି ଦେଇଥିଲା। ଏହି ଘଟଣା ଏପରି ଏକ ସମୟରେ ଘଟିଥିଲା ଯେତେବେଳେ ପାର୍ବତ୍ୟ ପ୍ରଦେଶରେ ଜଙ୍ଗଲରେ ନିଆଁ ଲାଗି ୯୦ ଜଣଙ୍କର ମୃତ୍ୟୁ ଘଟିଥିଲା। ଚିତ୍ରକାର ଜାମିଲ ବେନ ଇସମାଇଲଙ୍କ ହତ୍ୟାରେ ୧୦୦ ରୁ ଅଧିକ ସନ୍ଦିଗ୍ଧ ବ୍ୟକ୍ତି ଜଡିତ ଥିଲେ, ସେମାନଙ୍କ ମଧ୍ୟରୁ ଅଧିକାଂଶ ତାଙ୍କ ହତ୍ୟାରେ ଦୋଷୀ ସାବ୍ୟସ୍ତ ହୋଇଥିଲେ। ପ୍ରତିପକ୍ଷ ଆଇନଜୀବୀ ହାକିମ ସାହେବ କହିଛନ୍ତି ଯେ କୋର୍ଟ ଅନ୍ୟ ୩୮ ଦୋଷୀଙ୍କୁ ୨ରୁ ଆରମ୍ଭ କରି ୧୨ ବର୍ଷ ପର୍ଯ୍ୟନ୍ତ କାରାଦଣ୍ଡରେ ଦଣ୍ଡିତ କରିଛନ୍ତି।