ଭୁବନେଶ୍ୱର, ୧୫।୧୧: କାର୍ତ୍ତିକ ପୂର୍ଣ୍ଣିମାରେ ଭସା ଯାଇଥିବା ଡଙ୍ଗା ଆଣିବାକୁ ଯାଇ ୫ ଜଣଙ୍କ ମୃତ୍ୟୁ ଘଟିଛି। ଏଭଳି ଅଭାବନୀୟ ଘଟଣା ଘଟିଛି ରାଜ୍ୟର ବିଭିନ୍ନ ସ୍ଥାନରେ। ୫ ଜଣ ଛୋଟ ପିଲାଙ୍କ ଦୁଃଖଦ ମୃତ୍ୟୁ ଘଟିଛି, ବାଲେଶ୍ୱର , ମାଲକାନଗିରି ଏବଂ କଟକ ଜିଲାରେ। ବାଲେଶ୍ୱର ବସ୍ତା ଥାନା ପଣିସାପଡ଼ା ଗାଁ ପୋଖରୀରେ ବୁଡ଼ି ୨ ନାବାଳିକାଙ୍କ ମୃତ୍ୟୁ ଘଟିଥିବା ବେଳେ ମାଲକାନଗିରି ଜିଲା ଚମ୍ପାନଗରରେ ପୋଖରୀରେ ବୁଡ଼ି ନାବାଳିକା ପ୍ରାଣ ହରାଇଛନ୍ତି। ଖଇରାଥାନା ସାଉଣ୍ଡିଆ ଗ୍ରାମରେ ୩ ବର୍ଷ ବାଳକର ମୃତ୍ୟୁ ଘଟିଛି।
ସେହିପରି କଟକ ସାଲେପୁର କରମୁଆ ଗାଁ ପୋଖରୀରେ ବୁଡ଼ି ୩ ବର୍ଷର ବାଳକର ମୃତ୍ୟୁ ହୋଇଛି। ତେବେ ଏଭଳି ଦୁଃଖଦ ଘଟଣା ପରେ ଗାଁ ଦାଣ୍ଡ କାନ୍ଦବୋବାଳିରେ ଫାଟୁଛି।
