ନୂଆଦିଲ୍ଲୀ, ୨୨।୭: ବିହାରକୁ ସ଼୍ବତନ୍ତ୍ର ରାଜ୍ୟ ମାନ୍ୟତା ନେଇ ଜେଡିୟୁ ନେତା ମାଗିଥିବା ଉତ୍ତରରେ ରାଜ୍ୟ ଅର୍ଥମନ୍ତ୍ରୀ ପଙ୍କଜ ଚୌଧରୀ ଲିଖିତ ଭାବେ ଜଣାଇଛନ୍ତି । ସେ କହିଛନ୍ତି ଯେ ସ଼୍ବତନ୍ତ୍ର ରାଜ୍ୟର ମାନ୍ୟତା ପାଇବାକୁ ହେଲେ ଏଥିପାଇଁ ଉଦ୍ଧିଷ୍ଟ ରାଜ୍ୟକୁ ପାଞ୍ଚଟି ସର୍ତ୍ତ ପୂରଣ କରିବାକୁ ପଡ଼ିବ । ସେଗୁଡ଼ିକ ହେଲା-
୧. ରାଜ୍ୟର ଅଧିକାଂଶ ଅଞ୍ଚଳ ପାହାଡ଼ିଆ ଏବଂ କଠିନ ଭୂମି ହୋଇଥିବା ।
୨. ଉକ୍ତ ରାଜ୍ୟରେ କମ ଜନସଂଖ୍ୟା ଘନତା କିମ୍ବା ବହୁ ସଂଖ୍ୟାରେ ଆଦିବାସୀ ଜନସଂଖ୍ୟା ରହିଥିବ ।
୩. ରାଜ୍ୟର ପଡୋଶୀ ଦେଶ ସହିତ ସୀମାରେ ଗୁରୁତ୍ୱପୂର୍ଣ୍ଣ ରଣନୀତିକ ପରିସ୍ଥିତି ସୃଷ୍ଟି ହେଉଥିବ ।
୪. ଉକ୍ତ ରାଜ୍ୟ ଆର୍ଥିକ ସ୍ତରରେ ପଛୁଆ ରହିଥିବା ଏବଂ ମୌଳିକ ସୁବିଧା ଅଭାବ ରହିଥିବ ।
୫. ଅର୍ଥ ପାଇଁ ଆବଶ୍ୟକ ପ୍ରକୃତିର ଅଭାବ ରାଜ୍ୟରେ ରହିଥିବ ।
ଅର୍ଥମନ୍ତ୍ରୀ ପଙ୍କଜ ଚୌଧରୀଙ୍କ ଲିଖିତ ଉତ୍ତରରେ କୁହାଯାଇଛି ଯେ, ଏହି ପାଞ୍ଚଟି କାରଣକୁ ଧ୍ୟାନରେ ରଖି ରାଜ୍ୟର ର୍ନିଦ୍ଦିଷ୍ଟ ସ୍ଥିତିକୁ ପୃଥକ ଭାବରେ ବିଚାର କରିବା ପରେ ଗୋଟିଏ ରାଜ୍ୟକୁ ବିଶେଷ ମାନ୍ୟତା ଦେବା ପାଇଁ ନିଷ୍ପତ୍ତି ନିଆଯାଇଥାଏ । ଅନ୍ୟପଟେ ସଂସଦର ଉଭୟ ଗୃହରେ ଓଡ଼ିଶାକୁ ବାରମ଼୍ବାର ସ଼୍ବତନ୍ତ୍ର ରାଜ୍ୟ ଭାବେ ମାନ୍ୟତା ଦେବାକୁ ଦାବି ହୋଇଥିଲେ ହେଁ କେନ୍ଦ୍ର ସରକାର ଏନେଇ କୌଣସି ନିଷ୍ପତ୍ତି ନେଇନାହାନ୍ତି ।
ସୂଚନା ଥାଉକି, ମୋଦି ସରକାରଙ୍କ ତୃତୀୟ ପାଳି ବଜେଟ୍ ଆସନ୍ତାକାଲି ଅର୍ଥାତ ଜୁଲାଇ ୨୩ ତାରିଖରେ ସଂସଦରେ ଉପସ୍ଥାପନ ହେବାକୁ ଯାଉଛି । ଏହାର ଠିକ୍ ପୂର୍ବରୁ ବିହାରକୁ ବଡ଼ ଝଟ୍କା ଲାଗିଛି । ବିହାରର ସ଼୍ବତନ୍ତ୍ର ରାଜ୍ୟ ଦାବିକୁ ନେଇ ମୋଦି ସରକାର ଜବାବ ରଖିଛନ୍ତି । ରାଜ୍ୟ ଅର୍ଥମନ୍ତ୍ରୀ ପଙ୍କଜ ଚୌଧରୀ ଏକ ଲିଖିତ ଉତ୍ତରରେ କହିଛନ୍ତି ଯେ ଅନ୍ତଃ ମନ୍ତ୍ରାଳୟ ସମୂହର ୨୦୧୨ ରିପୋର୍ଟ ଆଧାରରେ ବିହାରକୁ ସ଼୍ବତନ୍ତ୍ର ରାଜ୍ୟ ମାନ୍ୟତା ଦିଆଯାଇପାରିବ ନାହିଁ ।