ଆଲକ୍ସା ଲିଗ,୨୩।୨: ଚାଇନାରେ ଏକ ଖଣି ଭୁଶୁଡ଼ି ପଡ଼ିବାରୁ ୫ଜଣଙ୍କ ମୃତ୍ୟୁ ଘଟିବା ସହ ୪୮ ଜଣ ନିଖୋଜ ଅଛନ୍ତି। ଆଭ୍ୟନ୍ତରୀଣ ମଙ୍ଗୋଲିଆର ଆଲକ୍ସା ଲିଗ୍ରେ ଭୂସ୍ଖଳନ ଏବଂ ବିପଜ୍ଜନକ ସ୍ଥିତିି ଯୋଗୁ ଉଦ୍ଧାର କାର୍ଯ୍ୟ ଅଟକି ରହିଥିବା ବେଳେ ଗୁରୁବାର ସକାଳୁ ପୁଣିଥରେ ଆରମ୍ଭ ହୋଇଥିଲା। ସୂଚନା ମୁତାବକ, ଚାଇନା ବିଦ୍ୟୁତ୍ ଉତ୍ପାଦନ ପାଇଁ ମଙ୍ଗୋଲିଆର କୋଇଲା ଖଣିଗୁଡ଼ିକ ଉପରେ ନିର୍ଭରଶୀଳ। ଉଦ୍ଧାରକାରୀମାନେ ଓପନ୍-ପିଟ୍ ଖଣିରୁ ବୁଲ୍ଡୋଜର ସହାୟତାରେ ବହୁ ପରିମାଣର ମାଟି ଖୋଳି ବାହାର କରିଥିଲେ ମଧ୍ୟ ନିଖୋଜମାନଙ୍କୁ ଠାବ କରିପାରିନାହାନ୍ତି। ଦ୍ୱିତୀୟ ଭୂସ୍ଖଳନ ଯୋଗୁ ଉଦ୍ଧାର କାର୍ଯ୍ୟ କିଛି ଘଣ୍ଟା ପାଇଁ ବାଧାପ୍ରାପ୍ତ ହୋଇଥିଲା।