ନୂଆଦିଲ୍ଲୀ, ୨୩ା୬: ବୁଧବାର ଅଶୋଧିତ ତୈଳ ଦର ପ୍ରାୟ ୫ ଡଲାର ହ୍ରାସ ପାଇଛି। ଆମେରିକା ରାଷ୍ଟ୍ରପତି ଜୋ ବାଇଡେନ୍ ଫୁଏଲ୍ ଉପରେ ଟିକସ ହ୍ରାସ କରିବା ପରେ ଏହି ହ୍ରାସ ଦେଖାଦେଇଛି। ଏହାଦ୍ୱାରା ବ୍ରେଣ୍ଟ କ୍ରୁଡ୍ ଫ୍ୟୁଚର୍ସ ୪.୬୫ ଡଲାର ଅର୍ଥାତ୍ ୪.୧% ହ୍ରାସ ଘଟି ବ୍ୟାରେଲ ପିଛା ୧୧୦ ଡଲାର ହୋଇଥିବା ବେଳେ ୟୁଏସ୍ ଓ୍ବେଷ୍ଟ ଟେକ୍ସାସ୍ ଇଣ୍ଟରମିଡିଏଟ୍ ଫ୍ୟୁଚର୍ସରେ ୫.୦୮ ଡଲାର ଅର୍ଥାତ୍ ୪.୬% ହ୍ରାସ ଘଟି ବ୍ୟାରେଲ ପିଛା ୧୦୪.୪୪ ଡଲାରରେ ପହଞ୍ଚିଛି। ଏହାପରେ ବାଇଡେନ୍ ଗ୍ୟାସୋଲିନ୍ ଉପରେ ଟ୍ୟାକ୍ସ ହ୍ରାସ ପାଇଁ ପ୍ରସ୍ତାବ ଦେଇପାରନ୍ତି। ତେବେ ଆମେରିକାର ୨ ପ୍ରମୁଖ ରାଜନୈତିକ ଦଳ ଟ୍ୟାକ୍ସ ହ୍ରାସ କରିବା ଯୋଜନାକୁ ସମର୍ଥନ କରିନାହାନ୍ତି। ଚଳିତ ସପ୍ତାହରେ ୭ ଅଗ୍ରଣୀ ଅଏଲ୍ କମ୍ପାନୀର ସିଇଓ ଆମେରିକା ସରକାରଙ୍କ ସହ ଉତ୍ପାଦନ ବଢ଼ାଇବା ସମ୍ପର୍କରେ ଆଲୋଚନା କରୁଛନ୍ତି।