ବମ୍ବେ: ପ୍ରତିବର୍ଷ ଶହ ଶହ ଫିଲ୍ମ ପରଦାକୁ ଆସେ। ସେଥିରୁ କିଛି ସୁପରହିଟ୍ ହେବା ବେଳେ କିଛି ପାଲଟିଥାଏ ସୁପରଫ୍ଲପ୍। ହେଲେ ଏପରି କିଛି ହିନ୍ଦି ସିନେମା ଅଛି ଯାହାକୁ ଦେଖିବାକୁ ଦର୍ଶକ ସିନେମାହଲ୍ ଯାଇ ନ ଥିଲେ ହେଁ ଟେଲି ପରଦାରେ ଏହା ସୁପରହିଟ୍ ହୋଇଛି।
୧୯୯୪ରେ ରିଲିଜ ହୋଇଥିଲା କମେଡି ଫିଲ୍ମ ଅନ୍ଦାଜ୍ ଅପ୍ନା ଅପ୍ନା। ଏହା ଫ୍ଲପ ହୋଇଥିଲା। ହେଲେ ଟେଲିଭିଜନ୍ରେ ଏହାର ପ୍ରିମିୟର କରାଯିବା ପରେ ଏହାକୁ ଦର୍ଶକେ ବେଶ୍ ପସନ୍ଦ କରିଥିଲେ। ଏବେ ଏହାକୁ କ୍ଲାସିକ୍ କମେଡି ଫିଲ୍ମ ଭାବେ ବିବେଚନା କରାଯାଉଛି।
ସୂର୍ଯ୍ୟବଂଶମ୍ ସେଭଳି ଏକ ଫିଲ୍ମ ଯାହା ସିନେମାଘରେ ଫ୍ଲପ ହେଲେ ଟେଲିଭିଜନ ପରଦାରେ ସୁପରହିଟ୍ ସାବ୍ୟସ୍ତ ହୋଇଛି। ସତ୍ୟନାରାୟଣଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମ ପାରିବାରିକ ଡ୍ରାମା ଥିଲା। ୧୯୯୯ରେ ଏହା ପରଦାକୁ ଆସିଥିଲେ ହେଁ ଭଲ ରୋଜଗାର କରି ନ ଥିଲା। ହେଲେ ପରେ ଟେଲିଭିଜନରେ ଏହା ହିଟ୍ ହୋଇଥିଲା।
ଏହାଛଡ଼ା ବଲିଉଡ୍ର ଶ୍ରେଷ୍ଠ କମେଡି ଫିଲ୍ମ ‘ହେରା ଫେରି’. ‘ନାୟକ’, ‘ରକେଟ ସିଂହ’ ଆଦି ଫିଲ୍ମକୁ ଟେଲି ପରଦାରେ ଦର୍ଶକ ବେଶ ପସନ୍ଦ କରିଥିଲେ। ଆଜିବି ଏହାର କାହାଣୀ, ଡାଏଲଗ୍, ଗୀତ ଲୋକଙ୍କ ମନରେ ଘର କରି ରହିଛି।