ରାୟଗଡ଼ା ଅଫିସ,୨ା୨: ରାୟଗଡ଼ା ପୋଲିସକୁ ଏକ ବଡ଼ଧରଣର ସଫଳତା ମିଳିଛି। ଜନୈକ ବ୍ୟବସାୟୀଙ୍କ ଘରୁ ଗତ ୧୯ ତାରିଖରେ ହୋଇଥିବା ଚୋରି ଘଟଣାର ପର୍ଦ୍ଦାଫାଶ ବୁଧବାର କରିବା ସହ ୫ ଜଣଙ୍କୁ ଗିରଫ ପୂର୍ବକ କୋର୍ଟ ଚାଲାଣ କରିଥିବା ପ୍ରେସ୍ମିଟ୍ରେ ସୂଚନା ଦେଇଛନ୍ତି। ସୂଚନା ମୁତାବକ ଜନୈକ ବହିଷ୍କୃତ ଗୃହରକ୍ଷୀ ରବି ମହାନନ୍ଦିଆ, ପରମି ଶ୍ରୀକାନ୍ତ, ଏହି ସୁନା ଚୋରି କରି କେ. ଅନିଲ କୁମାର, କେ ପ୍ରସାଦ ଓ ଭାରତୀ ସୁନା ଦୋକାନର ମାଲିକ କେ ସୁନିଲଙ୍କୁ ବିକ୍ରି କରିଥିବାରୁ ଏମାନଙ୍କୁ ଗିରଫ କରାଯାଇଥିବା ରାୟଗଡ଼ା ଏସ୍ପି ବିବେକାନନ୍ଦ ଶର୍ମା ପ୍ରେସ୍ ମିଟରେ କହିଛନ୍ତି। ଉକ୍ତ ଅଭିଯୁକ୍ତମାନଙ୍କଠାରୁ ହାର, ୮ଟି ସୁନା ଚୁଡ଼ି ,୫ ହଳ କାନଫୁଲ, ମୁଦି ଆଦି ଅଳଙ୍କାର ଜବତ ହୋଇଥିବା ବେଳେ ତାହା ହାରାହାରି ୩୫୦ରୁ ୪୦୦ଗ୍ରାମ ସୁନା ଜବତ କରି ଉକ୍ତ ସୁନାର ମାଲିକ କେ ସାଇ ଶ୍ରୀନିବାସଙ୍କୁ ଫେରସ୍ତ କରଯାଇଛି। କେ ସାଇ ଶ୍ରୀନିବାସ କହିଛନ୍ତି, ଅଧା ସୁନା ମିଳିଥିବା ବେଳେ ଆହୁରି ୫୦ ଭାଗ ସୁନା ସହ ୯ ଲକ୍ଷ ଟଙ୍କା ଚୋରି ହୋଇଥିବା ବେଳେ ତାହା ମିଳି ନ ଥିବା କହିଛନ୍ତି। ଏହି ଘଟଣା ରାୟଗଡ଼ା ପୋଲିସ ପାଇଁ ଏକ ବଡ଼ ସଫଳତା ଓ ଏଥିପାଇଁ ପୋଲିସ ବିଭାଗର ସମସ୍ତ ଅଧିକାରୀ ଓ କର୍ମଚାରୀଙ୍କୁ ଦାୟିତ୍ୱବୋଧ କାର୍ଯ୍ୟ ପାଇଁ ଏସ୍ପି ଧନ୍ୟବାଦ ଦେଇଛନ୍ତି।
