ଭୁବନେଶ୍ୱର,୫ା୮(ସୂର୍ଯ୍ୟକାନ୍ତ ବେହେରା): ରାଜଧାନୀର ବିଭିନ୍ନ ସ୍ଥାନରୁ ମୋବାଇଲ ଚୋରି କରିବା ପରେ ସେଗୁଡ଼ିକୁ କମ୍ ଟଙ୍କାରେ ବିକ୍ରି କରୁଥିବା ବେଳେ ଶହୀଦନଗର ଥାନା ପୋଲିସ ଜଣେ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେ ହେଲେ ଲକ୍ଷ୍ମୀସାଗର ଥାନା ଅଞ୍ଚଳର ଚିଣ୍ଟୁ ସାହୁ। ତାଙ୍କଠାରୁ ୫ଟି ଚୋରା ମୋବାଇଲ ଜବତ ହୋଇଛି। ଜାମିନ ନାମଞ୍ଜୁର ହେବାରୁ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ଅଭିଯୁକ୍ତ ଚିଣ୍ଟୁ ଆଇଡିବିଆଇ ଛକ ନିକଟରେ ଫୋନ୍ ସବୁକୁ କମ୍ ଦାମରେ ବିକ୍ରି କରିବା ଲାଗି ଛାତ୍ର ତଥା ଲୋକଙ୍କୁ ଦେଖାଉଥିବା ବେଳେ ପୋଲିସ ଧରିଥିଲା।