ଭୁବନେଶ୍ୱର, ୨୪ା୪ (ବିଜୟ ରଣା): ବୁଧବାରଠାରୁ ଏପ୍ରିଲ ୨୮ ପର୍ଯ୍ୟନ୍ତ ଥାଇଲାଣ୍ଡ ରେ ହେବାକୁ ଥିବା ଏସିଆନ୍ ହୁଇଲ ଚେୟାର ଫେନ୍ସିଂ ଚାମ୍ପିୟନଶିପ୍ ଲାଗି ମନୋନୀତ ଭାରତୀୟ ଦଳରେ ଓଡ଼ିଶାର ୫ଜଣ ଖେଳାଳି ସ୍ଥାନ ପାଇଛନ୍ତି। ସେମାନେ ହେଲେ ଭି. ରମେଶ ରାଓ, ରାଖାଲ୍ କୁମାର ସେଠୀ, ପବିତ୍ର ସାହୁ, ମାଳତୀ ପାନାଉରେ ଓ ଶିଲା ମନ୍ତ୍ରୀ। ଏମାନେ ସମସ୍ତେ ବ୍ୟକ୍ତିଗତ ଓ ଦଳଗତ ଇଭେଣ୍ଟରେ ଭାଗ ନେବେ। ଓଡ଼ିଶାର ଏହି ଖେଳାଳିମାନେ ନିକଟକରେ ଅନୁଷ୍ଠିତ ୧୬ତମ ଜାତୀୟ ଚାମ୍ପିୟନଶିପ୍ରେ ଉନ୍ନତ ପ୍ରଦର୍ଶନ କରି ଭାରତୀୟ ଦଳରେ ସ୍ଥାନ ପାଇଛନ୍ତି। ପାରା ସ୍ପୋଟର୍ସ ଆସୋସିଏଶନ୍ ଓଡ଼ିଶାର ସଭାପତି କମଳାକାନ୍ତ ରଥ ଓ ହୁଇଲ ଚେୟାର ଫେନ୍ସିଂ ଓଡିଶାର ଚେୟାରପର୍ସନ ବେଲା ଜୟସ୍ବାଲଅଭିନ୍ଦନ ଜଣାଇବା ସହ ସେମାନଙ୍କ ଶୁଭକାମନା କରିଛନ୍ତି।